FILE - In this Oct. 6, 2019 file photo, Jada Pinkett Smith, left, and her husband Will Smith attend the premiere of "Gemini Man" in Los Angeles. Pinkett Smith has admitted to having a relationship with musician August Alsina when she and her husband were separated. In a conversation on her series "Red Table Talk," she said she was reluctantly discussing Alsina's comments because of the public speculation they provoked. Will Smith appeared on the show to discuss the chapter in their lives. (Photo by Phil McCarten/Invision/AP, File)

Cu nan matrimonio bou scrutinio di rednan social, Jada Pinkett Smith y Will Smith a reafirma nan compromiso na otro, mientras Pinkett Smith a admiti di tin un relacion cu musico August Alsina tempo cu e y Smith tabata separa.

Den un combersacion personal diabierna den e serie di Pinkett Smith, Red Table Talk, el a bisa cu e tabata duda riba discuti comentarionan atribui na Alsina pa motibo di speculacion publico cu esakinan a provoca.

Loke a cuminsa como un amistad y un esfuerso di famia pa yuda Alsina cu su salud alrededor di cuatro aña pasa, a converti den ‘un sorto di relacion diferente’ na un momento den cual e y Smith a kere cu nan matrimonio tabata termina, Pinkett Smith a bisa.

“Si, e tabata un relacion. Absolutamente. Ami tabatin hopi dolor. Mi tabata hopi kibra. Den e proceso di e relacion ey, definitivamente mi a realisa cu bo no por haya felicidad pafo di bo mes… Definitivamente mi lo bisa cu nos a haci tur loke nos por pa bay leu di otro, unicamente pa haya sa cu esey no ta posibel.”

Na dado momento den e combersacion, nan a echo otro, bisando: “Nos ta cana hunto. Nos ta muri hunto. Mal matrimonio pa bida largo”, un alusion na e frase popular di e frankisia ‘Bad Boys’ di Smith.

E pareha ta casa desde 1997 y tin dos yiu, Jaden y Willow. Cada un tabata mustra incomodo durante varios momento.

Pinkett Smith, kende a aparece den dos pelicula ‘Matrix’, a cuestiona pakico Alsina lo trece e episodio dilanti atrobe, bisando cu el a termina comunicacion cune. E tambe a rechasa e idea cu Smith a dun’e permiso pa e relacion. Alsina a bisa den un entrevista cu e actor a duna su ‘bendicion’.

“E unico persona cu por duna permiso den e circunstancia particular ey ta ami mes”, Pinkett Smith a bisa. “Mi por bira con e lo percibi esaki como permiso, pasobra nos tabata separa amistosamente. Y mi ta kere e tambe kier a laga na cla cu e no a kibra un famia, pasobra e no a”, el a bisa.

 

LEAVE A REPLY

Please enter your comment!
Please enter your name here