Jair Bolsonaro: “esaki ta e comienso di liberacion di Brasil di socialismo”

Jair Bolsonaro a asumi poder na Brasil, su proclamacion como presidente di e nacion mas grandi di Latino America ta nifica e final di 13 aña di gobierno di iskierda na e pais, y dos di centro iskierda, cu un periodo di transicion cu Michel Temer como lider.

Bolsonaro, un capitan di reserva di ehercito di Brasil, a manifesta durante su discurso di proclamacion su rechaso pa socialismo, y a manifesta su compromiso di ‘protege y vigorisa’ e democracia Brasileño .

“Esaki ta e dia cu e pueblo a cuminsa libera di socialismo, tin cu traha pa evita cu e nefasto lo destrui e pais, ta necesario protege e patron moral” el a bisa durante su discurso na e sede di e Palacio di Planalto.

Un aspecto cu a ser señala pa Bolsonaro den su discurso tin di haber cu e establecimento di un politica cu orientacion pa ‘e interes na prome luga di e Brasileñonan’, algo cu a ser cuestiona pa motibo cu tin semehansa cu e doctrina di ‘America Prome’ di Donald Trump na Merca.

Den e ceremonia, a hala e atencion e discurso cu a ser emiti pa e prome dama, Michelle Bolsonaro,  e cual pa prome biaha a ser transmiti na lenguahe di seña pa mundo henter.

“Di un forma special, mi lo gusta di dirigi na e comunidad sordo, na e persona cu tin deficiencia y esunnan cu ta sinti lubida: lo balora e y tur su derechonan lo wordo respeta”, Michelle Bolsonaro, ken den ultimo lunanan a traha na fabor di e persona cu deficiencia auditivo, a bisa.

Ademas, su discurso lo pasa den historia debi cu ta e prome discurso cu a ser pronuncia pa un prome dama durante e ceremonia di proclamacion di un presidente di Brasil.

You May Also Like

Venezuela ta continua den protesta

Por lo pronto no ta yega un fin na e ola di protesta contra ...

Campesino a convoca pa un marcha contra canal di Nicaragua

Conseho Nacional pa Defensa di tera, lago y soberania, cu ta conforma pa campesino, ...

18 luna di prizon preventivo pa gobernador di Callao den caso Odebrecht

Un hues Peruano a ordena prizon preventivo durante 18 luna pa gobernador di region ...

Barco perdi for di Aruba rumbo Colombia a wordo haya

Un bon noticia pa habri fin di siman. E barco cu a sali for ...

Hues a lanta beslag ConocoPhillips na Boneiro y Corsou

Hues a lanta beslag di ConocoPhillips riba productonan y reservanan di azeta parcialmente na ...

Situacion ta grave: “sakeo y tension na isla St. Martin despues di horcan Irma”

E sakeo ta un problema grave na St. Maarten, specificamente riba e parti Hulandes. ...