Jan de Ruijter

Dialuna mainta pa 8:30 na Corte lo tuma luga e hoorzitting riba e caso di Sr. Jan de Ruijter contra Minister di Enseñansa Sra. Michelle Hooyboer-Winklaar. Sr. de Ruijter ta 100% sigur cu e lo gana su caso.

Ministerio Publico na prome instancia a dicidi pa pone den buki di olvido (“seponeer”) e keho di Sr. de Ruijter contra minister Hooyboer-Winklaar den e caso di EnsureToStudy. Segun Sr. de Ruijter, esaki lo ta perhudicando un cantidad di studiantenan na Hulanda.

Contra e decision pa “seponeer” e caso, sr. de Ruijter a entrega un keho na Corte, locual awor tin como resultado cu Corte, esta e “Gemeenschappelijk Hof van Justitie”, a revoca e “seponering” y asina lo trata e caso (keho). 
 

Preparacion
Pa loke ta e parti di preparacion, ayera Sr. de Ruijter tabata preparando su mes bon pa e hoorzitting di dialuna. Aunke cu e tin conocemento di e caso, asina mes e ta prepara su mes bon pa asina e por presenta esaki dilanti hues. “Mi ta 100% sigur cu mi lo gana e caso,” el a bisa Bon Dia Aruba.

E ta kere cu minister Hooyboer-Winklaar mester haya un straf pa cu esaki. A puntra Sr. de Ruijter si awor e tin mas prueba pa acusa minister. E ta indica cu e tin su pruebanan, pero e no lo mustra esaki prome cu e hoorzitting di dialuna. “Despues di e hoorzitting mi lo papia riba e caso,” el a termina bisando na Bon Dia Aruba.

LEAVE A REPLY

Please enter your comment!
Please enter your name here