Diasabra ultimo, e tri-atleta Marc Arends a participa den e 70.3 Gulf Coast Ironman na Panama City, Florida. Ademas, atleta Jerusho Fernandez a completa e 140.6 Ironman Gulf Coast.
Segun un relato di 297sports, despues di prepara su mes durante henter e pandemia pa e evento en cuestion, cual no tabata facil, Arends a cumpli su soño door di completa exitosamente e evento.
Mientras cu pa Fernandez, un miembro di Swikers Tri Team, e trayectoria no tabata nada facil. Prome e mester a landa un total di 3.86km. Despues el a core un total di 180.25km riba bicicleta, y pa finalisa, el a completa un full marathon na pia di 42.20km. Completando esaki, Fernandez a demostra di ta un berdadero Ironman.
Potret di 297sports.
