Segun e co-creador di ‘Friends’, Julia Roberts no a hacie facil pa hay’e den un rol di invitado.
Kevin Bright a join otronan papiando cu the Hollywood Reporter den honor di e di 25 aniversario di e episodio ‘The One After the Superbowl’ di e show.
“Bo sa e storia di con nos a haya [Julia Roberts]? Matthew [Perry, un di e streanan] a pidie pa aparece den e show”, Bright a bisa. “Roberts a skirbi back, ‘skirbi pa mi un documento riba fisica cuantica y mi ta hacie’. Mi ta compronde cu Matthew a bay skirbi e documento y a fax e p’e e siguiente dia.”
Co-creador Marta Kauffman a bisa cu ‘haya Julia Roberts tabata increiblemente emocionante’. “Nos tabata sa cu e lo tin e toke corecto pa esaki”, Kauffman a bisa. “Y ora el a bisa si, tabata tremendo.”
E fax en cuestion a bay un tiki mas leu. Alexa Junge, un di e escritornan di e show, a bisa cu Roberts tabata interesa den Perry ‘for di leu pasobra e ta asina encantador’.
“Tabatin hopi coqueteo via fax”, el a bisa. “Roberts tabata dunando Perry e cuestionarionan aki, manera ‘pakico mi mester sali cu bo?’ Y tur hende den e sala di escritornan a yud’e splica pakico.”
Segun reportenan, Roberts y Perry tabatin un relacion breve despues di su presentacion den e show.
