Justin Bieber y Chance the Rapper ta sinti e amor pa nan colaboracion nobo, y nan ta dunando back den cash.
Bieber y Chance a caba di anuncia ayera cu nan ta regalando un total di $250mil riba Cash App, na hende cu ta afecta pa e situacion dificil actual. Esey ta e unico stipulacion rekeri pa aplica pa e placa, pero nan ta curashando hende pa comparti nan storia si nan ta comodo, y usa e $cashtag y e hashtag #JBChanceHoly.
Segun TMZ, te awo un ganador a ricibi $500. E ta bisa cu cas di su famia a sufri daño durante horcan Laura luna pasa. Obviamente tin hopi mas ganador cu lo wordo selecta.
‘Holy’ ta e single nobo di Bieber cu presentacion di Chance, cual ya a acumula mas di 34 miyon view riba YouTube desde su lansamento.
Net na momento cu e cantica tabata birando popular siman pasa, Justin a sorprende un grupo di gospel hubenil trahando riba un rutina pa su cantica, door di pasa un rato pa mustra sosten. Pa su fanaticonan, Beliebers, un gesto asina ta bal mas cu cualkier suma di placa – pero pa esnan den necesidad desespera actualmente, JB y Chance ta dispuesto pa yuda tambe.
