(TMZ) – Kanye West tin un idea nobo radical pa adresa e crisis di vivienda na Los Angeles: e kier pa hende sin hogar haya experiencia modelando paña cu nan ta traha.

Kanye ta trahando cu marca di paña Skid Row Fashion Week riba un colaboracion nobo y show di moda cu meta pa yuda hende sin hogar. David Sebastian, fundador di Skid Row Fashion Week a bisa TMZ cu el a reuni cu West e luna aki mientras e tabata graba ‘Donda 2’ na su studio na Los Angeles – cerca di Skid Row – y nan a dicidi pa crea un colaboracion Yeezy X Skid Row Fashion Week.

David ta bisa cu su compania ta dona un porcion di tur benta pa yuda esnan bibando na Skid Row y e fabrica cu ta traha e paña ta emplea esnan sin hogar. Ademas, e colaboracion di Yeezy ta bay usa 100% di e ganashi pa yuda esnan na Skid Row.

E linea ta lansa dia 22 di februari proximo, y a bisa cu e ganashi di benta ta bay yuda contrata mas hende luchando contra falta di vivienda pa traha na e fabrica di Skid Row Fashion Week. Es mas, a Davis a bisa cu nan ta den etapanan inicial di organisa un show di moda unda nan lo contrata e trahadornan di e fabria pa modela e paña.

LEAVE A REPLY

Please enter your comment!
Please enter your name here