(AP) – Kanye West sa con pa asombra audiencia te hasta cu un evento di scucha so.

West ta premira di revela su album “Donda” cual lo ta su di 10 album completo, durante un evento di scucha riba Diahuebs anochi na e stadion di Mercedes Benz na Atlanta. Su album a ser nombra den honor na su mama, Donda West, ken a fayece na e edad di 58 despues di complicacionnan den su operacion plastico na ana 2007.

E evento aki ya ta sold out, y lo ser pasa en vivo riba Apple Music.

West, 44, ta mas tanto conoci pa su asociacion cu Chicago, mas su persona a nace na Atlanta, un ciudad den Georgia unda cu no tin restriccion pa cu aglomeracion grandi di hende. E productor y cantante a regala 55,000 ticket na facultad, trahadornan y studiantenan di algun universidad na atlanta cu ta historicamente di hende color scur, incluyendo Clark Atlanta, Morehouse, Spelman, Morris Brown y e Interdenominational Theological Center.

E ganador di 22 Grammy a revela den un comercial, hunto cu e famoso sprinter Sha’Carri Richardson, durante e final di NBA riba diahuebs anochi, cu su album hopi anticipa pa su fanaticonan lo ser lansa riba diabierna. E comercial, cual a ser direcciona pa west mes, tabatin e cantica “No Child Left Behind” como e musica di fondo, cual ta un di e canticanan di su album nobo binidero.

West su proyecto nobo aki ta un bini despues di su album cu tema gospel di ana 2019, titula “Jesus is King”, cual a gana un Grammy pa miho album contemporaneo cristian.

Ana pasa, West a anuncia ariba di e red social twitter, acompana cu un arte colorido y e lista di e canticanan di e album, cu e lo ta lansando un album nobo. Na e tempo aki, e publicacionnan aki a indica cu su proyecto lo ser lansa riba e mesun dia cu su rival Taylor Swift su proyecto “Folklore”, pero na final a pospone e album di West.

E dos celebridadnan aki tin un rivalidad andando desde cu West famosamente a interumpi Swift su speech durante e MTV Video Music Awards den ana 2009, ora cu el a gana e premio di miho video femenino. Aparentemente tur dos a pone nan diferencianan atras ora cu Swift a introduci West na momento cu el a gana e premio di video vanguardia na e Video Music Awards di ana 2015, sinembargo un video revela di nan dos den su cantica controversial “Famous” a causa mas drama y polemica.

E no ta e prome biaha cu Kanye ta anfitriona un evento di scucha pa un album binidero. Den ana 2016, Kanye West a haci su debut cu e album “The Life of Pablo” durante un evento grandi y show di moda na Madison Square Garden den New York City. Diferente celebridadnan grandi tambe a atende e show aki incluyendo su ex pareha Kim Kardashian West, 50 Cent, Lil Kim, Caitlyn Jenner, A$AP Rocky y 2 Chainz.

 

LEAVE A REPLY

Please enter your comment!
Please enter your name here