(Infobae) – Un entrevista recien den e revista Star, ta informa cu artista Mericano Kanye West, di 43 aña, den e proceso di termina su matrimonio di 6 aña , a cuminsa compronde con e obsesion pa fama di Kim Kardashian a caba cun’e.

Un informante interno ta indica cu Kanye West ta arepenti di a keda asina hopi tempo den e matrimonio, ya cu Kim Kardashian a “Trat’e manera un porkeria pa añanan largo”. Aparentemente, Kanye a cansa di e mundo den e cual e y su casa tabata biba. Full e grupo di famosonan den e famia aki ta “Rondona constantemente di drama y Kanye ta decepciona cu e la laga su mes keda den e mundo ridiculo aki”, e informante ta splica.

Kardashian, di 40 aña, a solicita divorcio na februari. El a casa cu e artista den un kasteel na Florencia, Italia, dia 24 di mei, aña 2014. E empresario ta biba den su mansion na Los Angeles cu su 4 yiu, mientras cu Kanye ta bibando na su rancho den Wyoming.

E revista ta señala tambe cu Kardashian no a bisa West e berdad tocante e programa “Keeping Up With The Kardashians” y con hopi e programa lo interveni den nan bida familiar. Aparentemente, e pareha tabata tin hopi “discusion explosivo” tocante e programa y e falta di privacidad, “E situacion a mehora solamente pasobra Kanye a dicidi di complace Kardashian” e informante ta añadi.

West, ken ta sufri di bipolaridad, tabata cansando caba cu tur e camara nan siguiendo e 24 ora pa dia. West a yega di expresa cu su amigonan mas intimo, con su pareha y e famia tabata “trama den su contra tras di su lomba” ora cu e tabata nenga di participa den e show, of ora cu e tabata expresa desacuerdo cu algun decision cu e famia tuma.

Envidia tambe a hunga un rol clave den e crisis di e pareha. Aparentemente, West tin e pensamento cu Kardashian tabata envidia su carera como musico y e marca exitoso cu West a crea prome cu Kardashian, ya cu danki na e exitoso marca Yeezy y su carera musical combina, cual ta crea un fortuna cu un balor di mas o menos 1.8 miyon di dollar, West a forma parti di e lista Forbes entrante April, 2020. Kardashian recientemente a logra forma parti di e lista aki, danki na su marca di makeup y paña “KKW Beauty” y “Skims”.

Tambe, west tabata cansa di e “weganan mental” cu a forma parti di nan matrimonio. E informante ta bisa afirma di tin informacion tocante e relacion intimo entre e pareha; “Kanye ta haya ironico, cu Kardashian su imagen ta basa riba su apariencia y sexualidad, pero no ta satisface West den e area sexual”, afirmando cu e relacion intimo entre e pareha a bira uno forsa.

Segun e revista, West ta “agradecido di a termina e matrimonio, y reconstrui su bida”.