(NewYorkPost) – Kanye West a splica pakico e acuerdo entre su marca Yeezy cu Gap a fracasa y termina e siman aki. West, kende ta yama su mes Ye, a aparece riba CNBC bistiendo un sombre enorme y bril di solo, a describi conflicto frecuente cu ehecutivonan di Gap pa motibo di prijs y diseño di productonan Yeezy Gap.

E music a termina su asociacion cu Gap e siman aki, alegando cu e tienda a viola e terminonan di nan acuerdo. “Tur hende sa cu ami ta e lider, ami ta e rey”, West a bisa e noticiero. “Un rey no por biba den palacio di otro hende. Un rey mester traha su propio palacio.”

Revela na 2020, e acuerdo di West cu Gap tabata rekeri pa marca Yeezy lansa “un linea nobo pa basiconan moderno pa homber, muhe y mucha na prijsnan accesible”, segun un comunicado di prensa e tempo aya. Pero e pacto no a logra mehora significantemente e ‘bottom lime’ di e compania, y West a bira cada bes mas frustra cu e acuerdo.

West a bisa cu e tabata kier bende articulonan incluyendo e linea di producto Yeezy Gap pa $20, pero no a permitie pone e prijs. Na lugar di esey, e ta alega cu ehecutivonan di Gap a pone prijsnan hopi mas halto pa productonan di Yeezy cu pa nan otro lineanan, cu ‘hoodies’ bendiendo pa mas di $200 y algun productonan bendiendo online pa mas di $300.

West a acusa Gap di copia e diseño di un T-shirt di su marca Yeezy y bende esaki apart pa apenas $19. E artista tambe a bisa cu e compania a ignora su deseonan pa tiendanan Yeezy Gap y a lansa productonan den colornan cu e nunca a aproba. “Mi a firma cu nan pasobra den e contract, nan a bisa cu nos lo haci tienda. Nan a djis ignora nos tocante e tiendanan constantemente. E tabata hopi frustrante, e tabata hopi desalentador”, West a bisa. “Nos agendanan no tabata alinea.”

Abogadonan di West a informa Gap diahuebs cu e tabata terminando e acuerdo, CNBC a reporta. Un carta na e compania a acusa Gap di faya di honra e terminonan di e acuerdo, incluyendo lansamento di tiendanan Yeezy Gap.

LEAVE A REPLY

Please enter your comment!
Please enter your name here