(NLTimes) – Ministerio di Salud, Bienestar y Deporte tabata decisivamente involucra den e trato di tapaboca cu a ser haci cu Relief Goods Alliance (RGA), e organisacion lansa pa Sywert van Lienden.

E consorcio cu tabata responsabel pa e trato no tabata kier a sigui adelante cu e trato, y solamente a keda di acuerdo pa haci esaki “bao protesta,” investigadornan di Deloitte a conclui den nan reportahe hopi spera. Mientras cu Van Lienden y su partnernan a bisa cu e reportahe aki ta kita tur sospecha for di nan, e minister actual di cuido medico a bisa cu Van Lienden deliberadamente manipula e relacion entre e trato y su compania pa genera ganashi.

E trato di compra di tapaboca a ser haci pa LCH, un consorcio nacional di suminstro di articulonan di salud. Nan a examina e proposicion di Van Lienden y su partnernan di negoshi, y inicialmente a rechasa esaki. Sinembargo, e Ministerio tabata kier a sigui cu e trato, tambe pa preveni RGa di competi cu LCH. Sin importa esaki, LCH a pensa cu e tabata innecesario pa cumpra e cantidad mas grandi di tapaboca cu ta posibel, di mesun manera cu e Ministerio tabata kier. Un desacuerdo entre e Ministerio y LCH ta permanece tocante ken en realidad ta responsabel pa e trato aki.

LCH a ser rapidamente estableci pa motibo cu tabatin un escasez mundial di ekipo protectivo manera tapaboca, cual a haci compra dificil pa tur pais. Van Lienden inicialmente a drenta den contacto cu e consorcio den maart di aña 2020 na comienso di e pandemia di coronavirus pa causa di insistencia di e ministerio, e reportahe a bisa. E situacion inicialmente no a bay bon, y otro intento a ser haci den april. Esaki tambe a fracasa pa motibo cu Van Lienden, den tempo aki te ainda cu su fundacion Stichting Hulptroepen Alliantie, tabata den riesgo di bira competidor di LCH, LCH a declara. Sinembargo, un trato a keda conclui fin di e luna aki, parcialmente pa motibo cu e ministerio simpelmente a sinti cu mester cumpra e cantidad mas grandi posibel. E investigadornan a nota cu na mesun tempo, “atencion di medio y politico a cumina aumenta” tocante e suministro di tapaboca.

E investigadornan a bisa cu e ministerio ta “involucra mas cu averahe” den e trato cu Van Lienden. E Ministerio tabata menos involucra den otro tratonan.

“E ta berdad,” Minister di Cuido Medico Conny Helder a bisa tocante esaki. E consorcio berdaderamente a indica cu e orden no tabata necesario, pa motibo cu tabatin suficiente den reserva, el a afirma. “Na mesun tempo, tabatin tambe un presion enorme pa cumpra mas di loke ta necesario.” Esaki ta e motibo dicon su departamento a keda involucra den e trato.

E Minister a keda enfatisa e “periodo di gran incertidumbre” y e situacion di crisis den cual su departamento tabata. Tambe el a señala na Tweede Kamer, ken a pone presion riba e gabinete pa cumpra e cantidad mas grandi di ekipo di proteccion cu ta posibel. E no ta cla dicon e cantidad di persona involucra den e trato a keda aumenta.

“Berdaderamente tin erornan cometi pa medio di no pasa door di protocol,” e Minister a admiti. Sinembargo “claro cu den situacion di crisis, ta comete eror,” el a agrega.

LEAVE A REPLY

Please enter your comment!
Please enter your name here