Tumando como punto di salida (confirma) cu e carta di CAft ta e promer reaccion oficial di e organismo riba e presupuesto 2020 aproba, anto ta aplicable articulo 11 di e ley Laft. Segun inciso 2 di e articulo aki, si CAft ta di opinion cu e presupuesto aproba ta desvia di e normanan encera den articulo 14, anto ta duna un conseho na e ministro concerni, dentro di 14 dia despues di a ricibi e presupuesto aki.

Recomendacionnan pa adaptacion di e presupuesto ta bay di Caft pa e ministro, cu ta contesta dentro di 14 dia si, y con ta bay tene cuenta cu e recomendacionnan formula den e conseho. Si acaso segun e colegio, e ministro no ta tuma na consideracion o no suficientemente na consideracion, o no ta comunica cu e colegio encuanto e adaptacion desea, anto CAft dentro di 14 dia despues di haya e notificacion, o den caso di no a ricibi esaki, ta informa conseho di ministro di Aruba a traves di e ministro, y ta informa Staten. Esaki segun articulo 11, inciso 5.

Segudamente, articulo 12 ta bisa den su inciso 1 cu, si despues di 7 dia despues di manda e mensahe, manera referi den articulo 11, inciso 5, CAft ta di opinion cu ainda ta trata di un presupuesto o cambio di presupuesto cu no ta di acuerdo cu e normanan, anto e Colegio ta informa, na fin di e periodo ey (di 7 dia), Conseho di Ministro di Reino. Nos ta den e promer fase di e proceso describi aki.

Proximamente lo mester tuma lugar e reaccion di parti di ministro encarga cu finanzas. Mirando e urgencia di e asuntonan cu ta deliberando cu Hulanda pa cu e ayudo financiero cu Aruba mester, ta imaginable cu lo tin comunicacion directo cu Hulanda tocante e deseonan di CAft contempla den e carta.

LEAVE A REPLY

Please enter your comment!
Please enter your name here