Kim Kardashian por ta scondiendo e berdad tocante su dificil matrimonio cu rapper Kanye West, cu ken el a casa na 2014. “Tin hopi dolor den su curason”, un persona cercano na Kardashian a bisa US Weekly.

Riba superficie, ta parce cu Kim Kardashian West tin un bida perfecto. Pero tras di cortina, e ta sufriendo den priva pa e estado di su matrimonio cu Kanye West, di 43 aña. “El a atravesa un fierno den ultimo lunanan”, segun e fuente, referiendo na e actonan ‘erratico’ di e musico, kende a crea sensacion den titularnan, entre otro, pa su inconsecuente candidatura presidencial na Merca.

E pareha tin cuatro yiu: North (7), Saint (4), Chicago (2) y Psalm di 18 luna.

E fuentenan ta bisa cu awo Kardashian ta cansa di haya su mes obliga di biba un mentira, y e sa cu e mester tuma un decision tocante su futuro cu Kanye. “Emocionnan di Kanye semper ta subi baha, Kim sa cu ta pa su problemanan cu salud mental, pues e ta keda.” Segun e fuente, Kim ya a reuni cu abogadonan pa sigura cu su asuntonan ta den orden si e dicidi pidi divorcio.

Manera cosnan ta, e pareha ta den un limbo den nan relacion.

Kardashian, ken tin un fortuna calcula na mil miyon dollar, a purba sconde su problemanan exhibiendo su estilo di bida opulento riba rednan social. Su principal mecanismo di defensa ta pone un cara feliz, independientemente di loke ta pasa tras porta cera na su cas. “E lo insisti cu su matrimonio cu Kanye ta bon, incluso na momento cu tur hende por wak cu esey ta leu di realidad”, segun otro fuente. “Ta comosifuera e ta atrapa cu Kanye den un mundo di miedo y confusion. E ta paralisa y den autopilot pa evita realidad.”

Pero segun e fuente, Kim tin miedo di idea di divorcio. “E ta tembla di miedo imaginando e muchanan ta lanta den un hogar kibra.”

Pa awo, Kim lo tene su plannan secreto te cu e sa precies kico e kier haci. “Kim tin un instinto di sobrevivencia real, pa loke hasta si esey ta nifica biba un mentira, e lo mustra mundo exterior loke e kier pa mira y ocupa cu su problemanan den priva”, e fuente a agrega. Na fin di dia, ‘esey ta su negoshi’.

LEAVE A REPLY

Please enter your comment!
Please enter your name here