Camara di Comercio y Industria di Aruba (KvK) ta ripara cu e negoshinan tipo filial a crece debi na e hendenan di Venezuela cu ta bin pa haci negoshi riba nos isla.
Secretario Ehecutivo di KvK, sra. Sonia Veldhuizen a expresa su preocupacion cu hopi hende di Venezuela ta bin pa cumpra companianan di hende local; y nan ta lanta un filial di nan compania na Aruba, specificamente den e area di San Nicolas
“Tambe e ta peligroso pasobra nos ta ripara cu hopi hende Venezolano ta uza un Arubiano como un stromanschap pa lanta un compania”, el a bisa. Stromanschap ta ora ta uza un Arubano como frontman pa lanta e negoshi pero e Arubano no ta envolvi den e compania mes.
Sra. Veldhuizen a indica cu e tipo di forma aki di afiliacion di compania local cu esun di compania Venezolano pa haci trabou specialisa a crece. Te aworaki tin 181 filial di e tipo di compania aki. Mas informacion den nos edicion di Bon Dia Aruba mañan.
