(NLTimes)—Tur stoel riba e teras di e café Ipanema na Bonnefanten Museum na Maastricht a ser horta weekend pasa. Un grupo di ladron a bay cu 88 stoel di marca balora na al menos 21.500 euro, segun gerente di café Freek Joosten a conta L1 Nieuws.
E robo straño a tuma luga rond 4or di mainta dialuna. “Grabacion di camara di siguridad ta mustra cu varios ladron, completamente trankil, a pone tur 88 stoel riba otro y a cana bay nan trankilamente. Como doño di negoshi, bo ta pensa: Con ta posibel?” Joosten a bisa.
E stoelnan tabata mara na vloer cu cablenan di hero y e teras tabata monitoria pa camara di siguridad, el a conta e emisora regional. “Casi 25 camara tabata colga entre aki y Bonnefanten. Y asina mes nan a logra bay cu tur.”
Loke ta haci e robo aki pio ta cu a caba di renoba e teras, Joosten a bisa. E ladronnan a laga mesa, pero tambe a bay cu bari di sushi. Pa ricibi cliente, Joosten a pone stoel di un compania di catering riba e teras.
Riba Facebook, Joosten a puntra testigo of hende cu informacion relevante pa bin dilanti.
Potret: Ipanema riba Facebook.
