‘Legalisacion pa por tin regulacion’

Gino Wauben di ILA Foundation

 

Den un reciente entrevista cu Gino Wauben, e ta splica tocante e falta di educacion cu mester tin pa hobennan, muchanan y pa adulto pa e tema di cannabis medicinal. El a splica cu e uzo medicinal,  diferente na e uzo recreacional ta su definicion. Segun e ta splica, no tin uzo recreacional ‘tur uzo ta medicinal’. Tin cu ta huma pa recreacion, pa e parti cu ta relax den grupo of pa motibo di stress of otro sintoma cu tin e ta yuda cu esey den e parti medicinal.

Segun Wauben, cannabis tin su propiedadnan cune. “E ta falta doctrinacion hunto cu falta di conocemento cu hende no ta compronde con ta bon pa bay den carnaval unda cu hende ta bebe cerbes siendo cu tin mas daño, pero ta contra cu algo cu su unico beneficio medicinal, unda e logica? Basa riba kico bo ta haci distincion.”

Algo cu e ta remarcata cu stigma di cu marihuana ta e ‘gateway drug’ no ta corecto. E ta bisa cu e prome droga ta alcohol. Segun estudionan haci Wauben ta bisa cu marihuana a yega d kita hende for di alcoholismo, di algun otro droga nan fuerte manera cocaina, heroina y mas.

E fundacion ILA su meta pa ‘reeduca nos sociedad’ un persona a bis’e un biaha cu el a cuminsa bebe alcohol despues el a pasa pa cocaina. “Nos tin conscientisa e personanan over di ami no ta lanta zomaar. Un hende a mustra droga asina ta cuminsa.”

Wauben ta remarca cu e doctrina di ‘bisa no na droga’ no ta traha. “Si e lo traha no lo tin tanto problema di droga actualmente. Nos tin cu legalisa pa asina por regula manera ciencia ta bisa cu por busca tur caminda. Siguridad ta prome.”

E ta bisa cu e importancia di educa riba tur droga. Un cos cu Wauben ta agrega ta cu e ta acuerdo un persona su cerebro mester crece te cu 24 aña pa e volumen y contenido no ta bira ni mas grandi ni chikito. Ya cu edad ey e persona por haci uzo di cannabis.

Sinembargo Wauben ta bisa cu ta preferibel e persona warda te despues cu haci 24 aña pa haci uzo di dje. Den caso cu e di dokter ta necesario pa muchanan uza esaki pa cierto malesa of dolor.

Bon Dia Aruba a puntra Wauben cu ta bisa cu hoben ta haya cierto droga den nan sistema pa motibo cu e dealer ta mescla den e mesun mesa. Wauben a contesta cu pa e motibo aki mester bin regulacion.

Si tin legalisacion pa por regula Wauben ta bisa cu e oportunidad cu nan ta bruha of otro cosnan ta bira dificil. “Bo no por bruha mata cu algo. Cocaina ta tira hopi cosnan aden. Marihuana ta haci’e bira peligroso. E ta wordo controla manera mester ta. Pa pone e pesticida. E fertilisante nan ta uza. E mester su tempo pa crece.”

Tin paisnan cu Wauben ta bisa no tin control y ta uza e productonan cu no ta necesario pa e trato di cannabis. E ta remarca pa e motibo aki e componente no ta esun adecua y ta prefera haci’e na Aruba mes. “Actualmente e ta blood money, e placa cu sali di Aruba ta bay cartel. Aki na Aruba e por crece manera yerba. Si e bira legal y por ta regula asina por dune hende les di con pa planta. Esnan cu permiso claro.”

Wauben ta bisa cu personanan cu ta controla tur cos ta den ordo manera tereno, calculacion di cada tanto producto cu ta wordo uza pa e proceso di tin e bon mata di cannabis. “Un curso con pa planta cannabis organico.”

Segun Wauben pakico mester bin algo di afo pa produci pa sigui haci negoshi algo cu Arubi

Arubiano mes por haci. “E por yuda den entrada di cas, e persona cu ta cualifica pa haci’e, pa bende gobierno den azeta, crema of cualkier otro producto medicinal.”

Despues di e conferencia lo spera cu e tema di conscientisacion cu e remedi ta trece cune. Esey ta nan siguiente paso pa esunnan cu den necesidad por haci uzo di esaki si den futuro e bira legal. “Awendia tur cos a bira caro. Recurso na pais natural en bes di local pa nos hende local recurso. Si abo kier planta pa bo mesun uzo ta algo, pero comercialmente ta otro. Tin separacion di esey.”

E parti mas importante segun Wauben ta pa educa e muchanan. E ta remarca siguridad prome di con mayornan of adulto tin cu papia cu mucha/ hoben di e tema aki. mescos tin educacion sexual, mester tin les ‘drugs education’ falta e conocemento ey.

Segun Wauben ora algo wordo prohibi mas e persona kier haci lo contrario. E proposito di nan pa haci decisionnan. “Prohibicion nunca ta traha, mester ta habri cu hobennan, si bo wanta secreto nan lo yega na esey eventualmente. Sea habri cu nan y no gaña nan paso esey ta haci e situacion pio.”

 

 

You May Also Like

Bishita di Gobierno (2).JPG

Varios departamento di gobierno a bishita areanan afecta di awasero torencial

– Bon Dia Aruba a topa cu varios departamento di gobierno cu tabata riba ...

IMF Spring Meetings 2019 ta andando na Washington

ORANJESTAD – Awe Minister di Finansa, Asuntonan Economico y Cultura a cuminsa cu reunionnan ...

energia sostenibel.jpg

Aruba acuerdo cu UN pa cu centro conocemento energia sostenibel

 E proximo luna Aruba lo firma e acuerdo cu nos lo bira un centro ...

auto curpa kima 2

Famia a reclama: donjo di auto curpa kima ta perdi

Update: E persona ta Alex Rojas-Paz. Lesa mas aki. Famia di e doño di ...

‘Expedicion Arkeologico edicion Fin di Aña’

Museo Arqueologico Nacional Aruba (MANA), hunto cu Stichting Monumentenfonds, ta ofrece tur hende cu ...

gerencia web accion siwa Br.JPG

Gerencia di WEB no ta comprende accion di sindicato SIWA

Gerencia di WEB no ta comprende e accion cu sindicato SIWA tabatin diabierna mainta. ...