(AP) – Un proposicion pa ancra un muhe su derecho na aborto den e constitucion Frances a drenta voto historico dialuna, cu legisladornan reuniendo pa un sesion hunto den parlamento na Palace of Versailles.
E medida a ser priminti pa President Emanuel Macron despues di decisionnan den corte Mericano cu ta retira derechonan di aborto.
Macron su gobierno kier pa artikel 34 di constitucion Frances keda modifica pa specifica cu “ley ta determina e condicionnan bao cual e libertad di hende muhe pa recuri na aborto ta ehecuta, cual ta garantisa.”
Parti d e parlamento, e Asamblea Nacional, a aproba e proposicion den januari. E Senado a adopta e proposicion siman pasa diaranson, habriendo caminda pa un legislacion cu e gobierno di Macron a priminti y cu tin e intencion di haci un “muhe su derecho pa aborto ireversibel.” E medida mester keda aproba pa un mayoria di tercer parti den e sesion aki.
Ningun di Francia su partidonan politico grandi representa den parlamento a cuestiona e derecho di aborto, cual su status criminal a ser kita den aña 1975. Cu ambos cas di parlamento adoptando e proposicion, dialuna su sesion uni na Palace of Versailles ta premira di ta mas tanto un formalidad.
E gobierno a argumenta den su introduccion di e proposicion cu e derecho di aborto ta bao menasa na Merca, unda Corte Supremo den aña 2022 a retira un decision di mas di 50 aña cu tabata garantisa esaki.
“Desafortunadamente, e evento aki no ta uno isola: den varios pais, hasta na Europa, tin olanan di opinion cu ta busca stop na cualkier costa e libertad di hende muhe pa termina nan embaraso si nan ta desea esaki,” e introduccion di e legislacion Frances a bisa.
