Senado Mexicano ta na caminda pa concretisa un legislacion cu lo regula cannabis, desde su cultivo y posesion te su consumo y comercialisacion. Conta cu e regla claro pa e uso di marihuana ta un mandato caba di Supremo Corte y varios actor di sociedad ta busca influi den e proceso.
Congreso Mexicano a desobedece y mester solicita pa Supremo Corte un periodo di tempo mas, cu ta caduca dia 31 di mey, pa legisla riba e regulacion di cannabis, hunto cu su uso recreacional.
Parti principal di e sentencia cu ta discuti den Senado, cu base na varios iniciativa di grupo di parlamentario, incluyendo e proyecto cu na cuminsamento di e Legislatura a ser presenta pa secretaria di Gobernacion, Olga Sanchez Cordero, ta e creacion di Instituto di Cannabis, un organo afilia na Gobernacion cu lo encarga di otorga, modifica, renoba, suspende of revoca licencia pa sembra, transforma, transporta, comercialisa, distribui, empaketa, etiketa, consumi, importa y exporta cannabis.
Kiermen, e instituto aki lo regula e permiso pa casi tur cos cu tin di haci cu e mata.
Dia 4 di februari a conforma e Conseho Mexicano di Cannabis y Cañamo. Integra pa dokter, academico, y empresarionan cu ta exigi reglanan claro pa un mercado legal cu rond di mundo ta calcula 12.000 miyon dollar, na 2018 so, segun Euromonitor Internacional a anuncia.
Eda Martínez, presidente di e Conseho, a comenta cu ta integra “pa personanan cu tin multidisciplina y competencia, desde area tecnologico, cientifico, medico y educativo. E obhetivo ta pa proporciona desde e plataforma aki tur loke mester pa tin un diseño di politica publico adecua.
Si e senadornan no desobedece atrobe, e Ley pa Regulacion di Cannabis lo por ta aproba den dianan aki, asina como e reforma di Ley General di Salud y Codigo Penal Federal.
