E caso di permiso di un preso pa pasa un tempo cortico cu su famia a lanta hopi discusion. Nos noĀ ta bay discuti aki e detayenan di e caso di e permiso mes. Nos tin un sistema elabora estableci paĀ atende privilegio provisional pa tur preso, di e delito menos grave na esunnan mas pisa. Cu den eĀ caso aki e autoridadnan concerni a actua corectamente, no ta bay ta parti di e editorial aki.

Loke si nos ta bay trata, ta e hecho cu un parlamentario ta expresa su opinion encuanto e caso aki.Ā Nota bay tanto pa su opinion di e caso specifico aki, pero tocante derecho (y deber) cu e tin paĀ cuestiona maneho di e ministro responsabel pa e cartera aki. E derecho cu e tin ta consisti di variosĀ aspecto. Un ta cu e mester por haya un contesta adecua di parti di e mandatario, y riba un terminoĀ adecua tambe. Si acaso e persona y su partido ta desea di interpela e mandatario riba su maneho,Ā esey ta nan bon derecho como parti di parlamento, y e presidencia mester percura pa esey por tumaĀ luga. Aki nos a toca un tema sensitivo, y no pa prome biaha, cu e presidencia di parlamentoĀ aparentemente no tin nada di bisa y ta subordena na deseo di e poder ehecutivo.

Asina ta cu e derecho di interpelacion a bira un frase bashi pa basta tempo caba. No pa promeĀ biaha nos ta opina cu e ministronan mes por defende nan mes, y no mester di un presidente diĀ parlamento pa duna nan proteccion, haciendo reunion normal di parlamento imposibel.Ā Pero, e asunto no a keda na un silencio di banda ehecutivo. Diripiente e persona en cuestion, deteniĀ na KIA, ta haya e facilidad pa expresa su mes dilanti camara di television di e planta nacional, cuĀ gobierno di turno responsabel pa su maneho. Autoridadnan hudicial ta coopera pa duna acceso na eĀ periodistanan pa haci e entrevista, algo cu dificilmente por a tuma luga sin ā€˜visto buenoā€™ di eĀ ministro concerni. Kico a sucede aki? A duna posibilidad na un persona encarcela pa duna suĀ opinion tocante un politico, cu ta paga cu placa di pueblo pa duna opinion, irespecto cual esaki ta,Ā unda y ora cu e ta haya esey adecua.

Nos no ta bay comenta tocante e contenido di e entrevista, si tabatin elemento aden cu porĀ considera menasante pa e politico. Si esey ta asina, nos conoce e politico como un persona hopiĀ capaz pa cana e caminda di husticia pa haya su rason. E no mester di nos den esey. Pero awor eĀ punto cardinal di e asunto manera nos ta mirā€™e: e canal di television, nos por supone, a actuaĀ manera nan a actua, pasobra nan ta basa nan mes riba e derecho y libertad di expresion di e presoĀ cera na KIA. Nos no ta ni bay discuti aki si e permiso cu e dirigencia di KIA a duna, cu of sinĀ orden di e ministro, pa tene e entrevista, ta duna corectamente. Si nan ta haya cu si, esey ta habriĀ caminda pa den futuro mas preso, independiente di e delito cu nan a comete, por haya bos for diĀ prizon, basa riba e precedente aki. Si no ta e idea pa di awor en adelante duna oportunidad na masĀ persona interna na KIA pa dirigi palabra na comunidad, gustosamente lo nos ta desea di scucha eĀ argumentonan cu ta maneha pa esaki.

Pero, tur esaki no ta e clave den e asunto aki. E clave ta cu un politico ta haci loke ta paga suĀ persona pa haci, no ta haya oportunidad di confronta esun politicamente responsabel den e debateĀ normal, pero ta keda confronta cu e preso cu ta haya e oportunidad pa dirigi palabra, menasante oĀ no, na e politico, na television nacional. Wel, nos tabata sa cu na Aruba hopi di nos ta bon denĀ inventa novedad, pero esun aki si a gana premio! Pero loke ta perde di bista ta cu e confrontacionĀ di e politico, cu su derecho di opina, cu e persona encarcela, hamas por ta substitui e confrontacionĀ politico cu e mandatario responsabel. Ta e debe e politico un contesta. Loke e mandatario mesterĀ por haya, si e tin contesta satisfactorio, ta cu prensa obhetivo ta dunā€™e e rason ey. Pero comoĀ mandatario bay sconde tras di un persona cu, independiente di e hecho si e mag dirigi palabra naĀ otro ciudadano for di prizon o no, menasante o no, ta nada mas ni nada menos cu core pa boĀ responsabilidad politico.

Den un par di siman di tempo nos a mira e ministro aki trompica grandemente tres biaha caba.Ā Prome e interpelacion cu no a sigui pasobra presidente di parlamento mester a protege. Despues eĀ infame atake riba su ex colega di turismo, sin ningun prueba. Y awor e incidente bergonsoso aki.Ā Si ta libertad di expresion ta e maximo interes den e asunto aki, anto TeleAruba mester mustra suĀ grandeza y concede Evelyn su seis minuut di libertad na e canal aki.