Carlos Slim Helu a perde US$16.000 miyon pa culpa di Trump

Dia 15 di juni, un dia prome cu Donald Trump a lansa su campaña presidencial, e fortuna personal di Carlos Slim tabata un poco menos di US$67.000 miyon. Awe e fortuna ta alrededor di US$51.000 miyon.

Ningun hende rond di mundo a perde mas placa durante subida di Trump, manera e Mexicano Carlos Slim, al menos relaciona cu dollar y cent. Riba e Indice di Bloomberg Billionaires, cu ta un guia pa tur miyonario cu fortuna di US$1.000 miyon of mas, Carlos Slim a bay abao den posicion, pasobra den pasado reciente e tabata na un prome puesto, y awor ta na posicion seis.

Algun di e motibonan pa e cambio di posicion di Slim ta relaciona cu e discurso duro di Trump contra Mexico, cu a baha e balor di e peso Mexicano compara cu e dollar Mericano, y asina a logra baha placa y activo di Slim tambe. Otro elemento cu no tabata planifica den historia di Slim ta cu ora cu su fortuna a baha, anto su popularidad na Mexico a subi. Awor pueblo Mexicano ta menciona Slim como un posibel candidato den proceso di eleccion di presidente cu lo realisa proximo aña. Despues cu Slim a reuni cu Trump den un bishita aña pasa, pueblo Mexicano, cu ta indigna pa promesa di Trump di aumenta proceso di deportacion y construi un muraya na frontera di Mexico cu Merca, a cuminsa pensa riba posibilidad cu e magnate Slim por bira un candidato pa eleccion presidencial di Mexico.

Slim no ta acepta bira un candidato Candidatura di Slim no ta probabel, pasobra Slim a bisa na Bloomberg TV na december cu e no lo postula pa presidencia nunca, pero pueblo Mexicano tin speransa ainda. “Slim a bisa cu e no ta interesa. Ningun hende ta kere esey of por ta cu ningun kier kere” Slim, tabata e persona mas miyonario di mundo. Segun dato di aña 2013, su fortuna tabata 17 biaha mas grandi cu fortuna di Trump, cu tin US$3.000 miyon so. “Pueblo Mexicano ta pensa cu Slim ta un empresario honesto, sabi, y cu principionan cu ta yuda otro hende” Arturo Elias Ayub a splica desde Ciudad di Mexico. Fortuna di Slim ta aumenta poco poco cu US$5.600 miyon, despues di e punto mas abao dia 11 di november. Esaki ta casi dobel e fortuna cu Donald Trump tin.

You May Also Like

Venezuelan-President-Nicolas-Maduro-AFP-800x430.jpg

Presidente Maduro ta nombra cuatro ministro nobo

(lapatilla.com) .- Den su programa Los Domingos Con Maduro, cu Venezolana de Televisión ta ...

Colombia tin 12 empresa afecta pa ciberatake mundial

COLOMBIA (ElTiempo).-  E atake digital mundial di tipo ‘ramsomware’ cu a cuminsa na Rusia ...

Venezuela: Guardia Nacional a purba para caravana di Guaido

Efectivonan di Guardia Nacional Bolivariano (GNB) a blokea paso di e caravana di diputadonan ...

Beatriz a degrada te depresion tropical canando noreste di Mexico

Tormenta tropical Beatriz a degrada  te un depresion tropical y ta continua su avance ...

Tribunal militar a ordena encarcela 27 studiante na Venezuela

Un tribunal militar a ordena diamars pa mantene deteni 27 studiante Venezolano cu a ...

Produccion abou di refineria Isla: un impacto negativo di 500 miyon

WILLEMSTAD – Durante e ultimo dos aña e actividadnan comercial entre Corsou y Venezuela ...