Posibel persecusion politico den porta di eleccion 2017

Algun tempo atras e Prome Minister a declara cu niun hende cu tabata forma parti di e ministerionan maneha pa Otmar Oduber lo keda retira pero awe ta mustra di ta diferente. Tur comisario cu ta(bata) forma parti di un N.V. maneha door di e ex Minister a haya carta di retiro durante dia di awe. Esaki a cay manera un sorpresa pa cada un di e profesionalnan aki ya cu cosnan tabata den ‘viento en popa’ cu mayoria di e N.V.nan.

E ex mandatario tabata maneha un total di cuater N.V. estatal cual tabata ATA, AruBus, ANSA y AAA. Kico exactamente lo a conduci na e retiro repentino aki no ta conoci ya cu ta trata di personanan cu ta hunga un rol importante den board di cada un di e companianan aki. Un di e personan cu a keda retira a bisa Bon Dia, “Esaki ta nada otro cu persecusion politico. Bo no ta kita un persona for di trabou mientras e ta cumpliendo cu su debernan.” E persona ta sigui bisa, “E cos ki no ta coincidencia paso ta tur di nos cu a traha bou di maneho di Otmar a wordo retira.”

Bon Dia Aruba a logra haya un bista di e carta y notabel di esaki tabata cu a gradici e personan pa nan trabou y deseanan suerte pa futuro. Bon Dia Aruba a tuma contacto cu sr. Oduber kende a bisa cu enberdad e la ricibi varios yamada pero no por duna mucho comentario ainda paso e no sa kico exactamente ta pasando. Aunke e reaccion tabata den un forma corto, e ex mandatario ta splica cu esaki no ta cay como un sorpresa, mirando cu ta varios di esnan cu a forma parti di su ministerio a keda retira. Oduber a termina bisando “Tur e empresanan estatal aki tabata tin hendenan capacita den nan hunta di comisario y unda sigur tres di e cuatro empresanan aki ta genera ganashi bruto, sigur mas cu antes, pa gobierno.”

Bon Dia Aruba lo tuma contacto cu e minister encarga awor cu e N.V.nan aki y lo ta en espera di un reaccion oficial di e ex mandatario.

 

You May Also Like

Auto kibra laga atras dilanti porta di Shatri

Dilanti di Shatri un persona a laga un toyota tercel berde kibra dilanti e ...

Polis a detene tres persona cu menos bon intencion na Wayaca

Habitantenan di Wayaca y Wayaca Residence tabata basta atento dialuna mainta ora tabata mira ...

Persona levemente herida den accidente dilanti Talk of Town

Diamars anochi un taxi a dal tras di un otro auto dilanti talk of ...

Dama herida despues di a ranca palo di luz cu auto riba Sasakiweg

Diadomingo den careda di 1’or marduga un chauffeur femenino coriendo un mitsubishi outlander bayendo ...

Pelea grandi na e veld di Jara a pone Polisnan drenta accion

Diabierna bahada di solo polis a keda informa cu na e veld di Jara ...

Brandweer y Polis a bay hala atencion riba kibramento di baranca cu dinamita

For di diasabra habitantenan di Modanza, y bisindario ta cansa cu e kibramento di ...