(TMZ) – E homber cu fiscalnan ta bisa a provee e pildo mortal cu a causa e fayecimento di Mac Miller a admiti cu el a actua eroneamente, aceptando un acuerdo cu lo laga su persona den prizon pa hopi tempo.

Segun documento di corte, obteni pa TMZ, Stephen Walter a acepta un acuerdo unda cu e ta declara su mes culpabel den un cargo di distribucion di fentanyl. E otro cargo den su contra relaciona cu droga, unda ta acusa su persona di forma parti di un plan pa distribui substancia controla a ser retira.

Fiscalnan a alega cu Walter ta e persona cu indirectamente a duna Mac su supuesto dealer, Cameron James Pettit, e tablet di Percocet letal cu a causa e sobredosis di Mac Miller, a resulta den su fayecimento. Manera nos a reporta, Pettit a contacta Walter, ken despues a manda un persona entrega e pildo riba e anochi aki.

Tocante e castigo cu tin riba mesa, e documentonan t a nota cu tin un sentencia maximo e por enfrenta, cual ta mas di 20 aña den prizon, y henter bida den libertad supervisa cu un boet di 1 miyon dollar. Fiscalnan ta recomendando 17 aña den prizon y 5 aña di libertad supervisa.

Tambe tin evidencia unda cu e fiscalnan ta rgumenta cu Walkter ta declarando su mes culpabel den e evidencia, pa motibo cu ta ilustra cu su persona tabata completamente consciente di kico e tabata bendiendo e anochi aki, cual tabata pildo di oxycodone cu un cobertura di fentanyl pafo.

Ademas di esaki, Walter ya caba tabata bao di libertad supervisa pa motibo cu e tabata involucra den un caso separa tocante benta di droga, prome cu e caso aki cu Mac Miller a surgi.

LEAVE A REPLY

Please enter your comment!
Please enter your name here