Diaranson marduga habitantenan di Catiri a bisa di a scucha por lo menos cinco tiro cay den e bario y mira con un auto y un homber riba dje ta bula pa kibra e bentana. A resulta cu ta un problema entre pareha cu a bay completamente for di man, unda e homber a topa cu e dama y a bula riba e auto y cuminsa destrui e windshield y comete daño na e auto. E homber a core bandona e sitio, e dama a yega cas y pidi ayudo di Polis. E dama tabata den shock di e sucedido y tabata declara varios version kico a sucede, mientras tabatin habitantenan cu si a mira e senario y informa polis di e sucedido. Habitantenan a kere cu ta tiro a cay luga tabata e golpinan cu e homber tabata haci na e bentana di auto tabata zona manera tiro.
