Un maestra di scol di 36 aña di edad a bay cera despues di a manda potretnan di su mes sin paña na ocho studiante y abusando sexualmente di nan na Canada. Jaclyn McLaren originalmente a enfrenta 42 cargo envolviendo ocho mucha riba edad di 13 aña – seis di nan studiante di dje segun The Sun ta reporta. El a wordo condena pa dos aña di prizon.
E mester awo wordo registra como un “sex offender” pa e resto di su bida y haya “tratamento sexual/psikiatrico”. McLaren lo ta riba dos aña di libertad condicional (probation) despues cu e sali for di prizon y ta wordo prohibi di tin contacto cu e victimanan y nan famia, como tambe pa uza cualkier forma di social media.
E ta prohibi tambe pa ta cerca di lugarnan publico unda cu tin mucha presente,anto e mester cumpli cu esaki pa 10 aña despues cu e sali for di prizon. Su hefenan a dune un advertencia na 2013 pa e stop di tene contacto cu su studiantenan via social media segun autoridadnan. No a tarda hopi pa e cuminsa manda videonan y potretnan di dje sin paña na e studiantenan. Na 2014 el a cumpra alcohol pa dos di su studiantenan anto a tene relacion sexual cu nan den su auto. McLaren ta un muhe casa na 2010. El a tene relacion sexual cu un otro hoben tambe na su cas net prome el a haci 18.
