Ley nobo pa screen minister trata fin di luna den parlamento

Parlamentario Marlon Sneek (AVP)

Parlamentario y lider di fraccion AVP Marlon Sneek ta conta nos cu si tur cos ta bon, pa dia 29 di mei nan lo ta tratando e ley di ‘integriteid ministers’ den parlamento. Esaki ta encera e forma con bo ta screen un minister.
Den e ley aki tambe lo bin e puntonan entre otro si un minister tin un veredicto e ta wordo retira, segun Sneek ta splica Bon Dia. Si tin un caso penal di corupcion contra di dje cu e ta sospechoso aden, e ta wordo geschors  y pa medio di landsbesluit reparti su cartera of pa otro minister carg’e. Si parlamento vota pa e ley, esaki ta algo cu lo keda cubri legalmente tambe cual actualmente no ta e caso.

Prome Minister por pidi screenmento
Loke cu tin den e ley tambe segun Sneek ta cu no solamente tin un screenmento na cuminsamento. Pero e ley aki ta duna e prome minister tambe un autoridad cu den e cuater aña cu e tin cu su gabinete, por manda pidi screenmento financiero of di OM di un minister cu lo por a desvia.  E parti di control semper tabata mas den e man di parlamento y segun Sr. Sneek, parlamento ta keda cu su rol. E ta splica: “Bo tin e trias politica. Bo no ta polis pues bo no por haci investigacion pero via di un screenmento asina si bo por haya informacion cu bo ta desea. E toolsnan ey no ta solamente poni pa e prome minister, pero si den parlamento por ehempel ta sinti of mira algo cu no ta corecto, parlamento tambe por pidi minister pa screenmento di un persona pa medio di un mocion.”

Control
Den e ley, ora cu un minister drenta den servicio e tin un formulario pa yena den e proceso di screenmento cu e ta declara kico e tin y con tur cos ta. E ley ta bisa tambe segun Sneek cu si deliberadamente bo keda sin duna declaracionnan cu bo mester duna, bo ta cay den valsheid in geschrifte anto bo por bay cera.
E ta poni den ley cu bo mester buta e informacion cu tur sinceridad y claridad. “Den e caso aki e formado ta haya tur e informacion pero tambe gobernador. Bo tin automaticamente tambe screenmento cu ta tuma luga via VDA, esun di OM y departamento di financia. Pues bo tin un check & balance cu ta keda wordo controla si tur cos ta cuadra cu realidad,” Sneek ta splica. Bon Dia Aruba a puntra si na e momentonan aki e control ta wordo haci caba riba e parti di comienso y final. “No. Prome cu 2009 nos no tabata tin nada pues un screenmento tabata tuma luga manera ta buta den nos staatsregeling. Pero no tabata tin un ley cu ta atende cu esaki. Prome cu Gabinete Oduber IV a bay cas nan a entrega un decision den ministerraad na con mester screen. Na 2013 el a bira un landsbesluit cu gabinete Mike Eman I a traha. Y aworaki e idea ta pa e bira un landsverordening. ” E ta sigui bisa e motibo pa haci e un landsverordening aworaki ta pa formalisa esaki pa ora cu mester haci cambio den futuro, pa bin parlamento pa tuma e decision ey.

You May Also Like

Prome ministernan di Aruba, Corsou y Sint Maartena firma convenio di Savaneta

ORANJESTAD – Recientemente e tres prome ministernan di Aruba, Corsou y Sint Maarten a ...

Fundacionnan social trahando cu presupuesto hopi limita

ORANJESTAD – Parlamentario Shailiny Tromp-Lee ta lamenta cu e subsidio pa fundacionnan social no ...

Sospechoso caso speeltuin ta purba argumenta pa no sinta mas na KIA

Den caso speeltuin, abogado a trece pa dilanti cu e padrasto ta sintie unsafe ...

Companianan Europeo interesa den proyecto Fast Ferry

Siman pasa minister Chris Romero (MEP) a reuni cu minister di transporte di Corsou, ...

249A8501.JPG

Ta fumiga e siman aki den districto di Paradera y Santa Cruz

Accion di spuit ta sigui y DESPA ta pidi comunidad pa porfabor elimina criadero ...

Secretaria minister Croes deteni, nada di investigacion di parti gobierno

Den caso di corupcion Ibis husticia a detene secretario di minister Paul Croes, S.A. ...