Cantante di reggaeton, Maluma a comparti imagen di con e ta pasando cuarentena na su enorme cas na Antioquia na Colombia, y con cu cada aparicion riba rednan social, e cantante a genera cantidad di comentario entre su siguidonan.
Juan Luis Londoño Arias, su nomber real, a laga mustra cu su famia tin un luga hopi importante den su bida; y pa pasa e periodo di aislamento, el a hiba cune su mama y su welo, cu ken el a mustra su talento di barbero.
Dianan pasa, Maluma a comparti un imagen a traves di su Instagram unda ta mustra su piscina y momentonan di relahacion cu e ta biba na su propiedad, pero locual mas a hala atencion ta un animal exotico cu a aparece.
Banda di e pool tabatin un enorme yuwana, imagen cu e cantante a compaña cu e texto ‘we have some company/tenemos alguna compañia’. No ta prome biaha cu e Colombiano ta mustra su fascinacion pa animalnan peculiar, pues aña pasa el a presenta riba rednan social Juanita del Mar, su burico chikito cu e ta mantene den su propio establo.
Tambe ta conoci cu e cantante di GPS ta posee un cabay di exhibicion y cuatro cacho, cu ken tambe ta comparti su aislamento.
Debi na e crisis sanitario den cual gran parti di mundo ta pasando, decenas di aeropuerto mester a stop operacion lagando hopi persona sin por biaha entre pais.
Diasabra ultimo, presentador di e programa La Red, di canal Caracol, Carlos Vargas a comenta cu Maluma ya no tabata riba suelo Colombiano, pues el a sali di e pais abordo di su avion priva rumbo pa Merca, pa loke su compañera Mary Mendez a puntra di forma ironico si ya a habri aeropuerto y e no a haya sa.
E conductor a agrega cu e unico condicion cu a impone na Maluma tabata cu si e por sali di e pais, pero su avion no por bolbe. “Si Colombia no ta laga avion drenta, no sa unda e lo bay lag’e.”
Den respuesta, hopi usuario di rednan social a critica e suceso cu e cantante, ya cu sea cu e tabatin permisonan necesario di autoridadnan Colombiano, el a viola normanan internacional di emergencia sanitario ocasiona pa COVID-19.
Sinembargo, y sin pronuncia su mes directamente al respecto, Maluma a publica riba Instagram cu ainda e ta na cas na Colombia respetando cuarentena, unda e ta preparando sorpresanan musical pa su fanaticonan; pero a hala atencion cu maske e no a declara nada, el a publica un imagen usando Miami, Florida como ubicacion, alimentando asina rumornan di su geolocacion.
Diabierna ultimo, e cantante, kende pronto lo debuta den cine Mericano hunto cu Jennifer Lopez, a comparti su sentimento y a bisa cu ta desespera y harta di e periodo di aislamento cu no ta permiti e pa biaha ni desaroya su carera.
