(AFP) – Manifestantenan a forma un cadena humano riba diabierna rond di Kennedy Center, e punto di arte na Washington cu President Mericano Donald Trump a menasa di basha abao al menos cu restaura riba esaki.
E compleho su edificio principal tin desde diaranson cera – temporariamente, segun su liderazgo – mientras cu hues ta evalua tambe plan pa un ceramento di termino largo pa acomoda Trump su renobacionnan desea di e facilidad cu ta keda bira mas bieu.
Grupo di persona tabata zwaai poster ta bisa “hands off Kennedy Center” (kita man for di Kennedy Center) y a cuminsa canta bao di e coberturanan cu a keda na luga desde cu trhadornan a kita Trump su nomber for di e edificio na juni despues di orden di corte.
Trump a tuma control aña pasa di Kennedy Center – inaugura na 1971 despues di e asesinato di president Mericano John F. Kennedy – y a pusha pa renobacion grandi, bisando cu e edificio a ser laga den un estado di mal mantencion.
Manera otro proyectonan rond di e capital Mericano, e presidente a mustra un deseo di pone su marca personal riba plannan, mientras cu e ta test e limite legal di autoridad ehecutivo.
Trump su directiva personalemtne scogi a vota aña pasa pa oficialmente cambia nomber di e institucion como Trump-Kennedy Center, cu actualisacion corespondiente na e edificio su logo y logo online.
E decision – despues cambia pa hues – a resulta den un caida grandi den benta di entrada, boycott di artistanan y un salida di donador, segun The Washington Post.
“E ta ponemi asina malo,” Neal Racioppo, un residente di Washington cu ta maneha marketing y communicacion pa e teatro a comenta. Trump “no por pone su nomber riba e edificio stima, pues e ta blokiando mundo di loke e por ta.”
Racioppo, di 57 aña, a uni un cadena di ser humano forma durante anochi na e edificio cu hende ta rondona e fachada cu bista di Riu Potomac.
Manifestantenan tabata para na e bareranan cu a instala despues cu e centro a cera e siman aki, algun ta zwaai poster cu “hands off Kennedy Center” y otronan “Donny, you are no JFK.”
“E ta un cas importante pa arte pa e ciudad aki y e pais aki y mundo tambe,” Racioppo a bisa. “Loke President Trump ta haciendo ta increibel.”
Lizzy andrew, ken a presenta varios biaha na Kennedy center, incluyendo canta cu Nationa Symphone Orhcestra, a bisa cu e ta rabia cu Trump su menasa di tumba e sitio.
“E no tin derecho di dicidi cu un institucion, un memorial bibo na un presidente pasado, mester ser basha abao,” e persona di 30 aña a bisa AFP.
“Mi ta kere cu bo por mira awe nochi cu DC y pueblo di Merca no ta di acuerdo cu e decision aki.”
Lela Agnew, ken regularmente ta hiba su yiunan bishita e centro, a bisa cu el a bay defende un institucion cu ta “pertenece na pueblo.”
“Mi tin alrededor di 50 aña ta bay aña,” el a bisa. “E no ta un luga cu mester basha abao.”
“E djis no ta un luga politico.”
