Mantene balans entre culturanan

Eric Huang, Rubiano cu descendencia Chines

E ironia ta cu awendia mi Papiamento y mi Ingles ta hopi miho cu mi Cantones, aunke ambos lenga mi a siña na edad di 6 aña, despues di tin Chines caba den mi sistema”.

Eric Huang kende su mayornan ta origina di China, ta conta un poco di su experiencia creciendo na Aruba cu prehuicio pa hende Asiatico. “Nan tur tabata kere mi tabata rico tempo di scol basico, pasobra mi tabata Asiatico.” Sr. Huang kende kier bay studia medicina na Hulanda pronto a splica cu den su dianan como mucha el a enfrenta discriminacion constante pa su apariencia of pa su mayornan su descendencia.

Sinembargo despues di drenta Mavo, e discriminacion a bira mucho menos, posiblemente pasobra e sistema escolar ta bira hopi mas serio y stricto, segun sr. Huang.

Mantene balans entre culturanan

Sr. Huang ta sinta memey di dos cultura cu aunke nan ta tene contacto cu otro diariamente, alabes ta keda distancia di algun manera. Nos a puntra con su experiencia ta, mirando su experiencia cu comunidad Chines pero alabes comunidad Arubano.

Loke el a splica ta cu mescos cu el a experiencia cu Rubianonan na scol cu prehuicio, den su experiencia esaki ta similar na cas ‘ora bo tin mayornan hopi stricto y tradicional’. Aunke tin hende asina den tur cultura, e ta haya cu tin biaha nan aceptacion pa otro rasa cu no ta di nan no t’ey. “Mi mes no sa dicon esaki ta asina.” Pero si sr. Huang lo mester asumi, ta pa via di custumbernan cu tin den nan propio pais y con nan a lanta. “Mi ta kere ora nan wak otro hende di otro colo of di otro rasa nan lo por wak e como un standard mas abou. Pero mi no sa specificamente.”

Sinembargo sr. Huang ta haya cu mas y mas awendia e ta mira famianan Asiatico cu ta mas habri pa otro rasanan y otro tipo di personanan.

Celebra himno y bandera

Sr. Huang ta conta con generalmente e sa celebra cu famia riba dia di himno y bandera, pero despues e sa sali cu famia durante dia pa bishita amigonan. “E dianan aki mi ta celebra mas tanto cerca amigonan of otro luga cu tin mas ambiente, specialmente si mi mayornan ta traha e dia ey.”

Pronto e hoben lo kier studia na Hulanda y ey e lo kier siña mas lenguahe ainda di loke e conoce. “Mi kier siña Mandarin, Latin, Aleman y Frances.” Pe e ta importante ora bo tin varios descendencia of nacionalidad, pa haya un balans entre nan. E afinacion pa lenga e hoben a haya na Aruba, y esaki e ta extende tambe na su identidad actual. “Si mi mester papia cu amigonan Asiatico mi lo papia Cantones, aunke na cierto momento mi lo tin di cambia pa Papiamento of Ingles. P’esey mi ta sinti mi mes mas Rubiano cu Chines actualmente.”

You May Also Like

A3 30jan zika test y embaraso (NP).JPG

Aparato pa test Zika na Aruba mes, ta costoso

Testnan pa loke ta casonan sospechoso di Zika ta wordo manda pa Hulanda esaki ...

Millennials

Millennials lo haci cambio grandi den economia

Recientemente Bon Dia Aruba a wordo invita pa forma parti di un conferencia na ...

FTA ta encurasha trahadonan di CMB pa bay vota dia 1 di maart

Ayera tardi e lidernan sindical di FTA, Rudy Geerman y Hubert Dirksz a encurasha ...

Entrepeneur hoben tambe ta contribui pa trece mas bida na San Nicolas

Ayera atardi mandatario encarga cu infrastructura Otmar Oduber (POR) a yama un conferencia di ...

asbest schelpstraat.jpg

Kitamento di tubonan di asbest na Playa ta preocupa publico y comerciante

Trahadonan di Arubaanse Wegenbouw ta kitando tubonan di asbest entre otro den Schelpstraat na ...

image.jpeg

Cuatro persona arma a atraca homber na su cas na Sero Patrishi

Dialuna anochi cuatro homber desconoci a presenta na cas di comerciante na Sero Patrishi ...