(TMZ) – Un estatua gigante di Marilyn Monroe den su vestuario y pose iconico ta haciendo su regreso den e desierto di California. Sin embargo, localnan ta hayando motibonan nobo di indignacion.
Cu un estatura di 26 pia largo, y e nomber “Forever Marilyn”, e estatua a haci su regreso den e ciudad di Palm Springs despues di un pausa di 7 aña, y lo keda pa semper dilanti e entrada di “Palm Springs Art Museum” despues di un voto recien den e conseho di e ciudad.
E estatua aki a haci su prome aparicion den aña 2012 y a keda pa 2 aña largo como un di e atraccion nan turistico mas grandi, pa e motibo aki, a wordo dicidi pa trece e estatua back, cu e vision di yuda Palm Springs para back riba su pia. Algun local no ta de acuerdo cu esaki, y ta indigna cu e regreso di “Forever Marilyn”, pero e biaha aki pa motibo nan sumamente diferente. E motibo nan aki ta entre otro, sexismo, obscenidad y geografia basico.
Na prome luga, tin preocupacion cu e posicion den cual e estatua a wordo poni, pa motibo cu e parti patras di e estatua ta directamente na e entrada di e museo aki. Un oficial local a comenta, cu su preocupacion ta gran cantidad di studiantenan, cu lo mester mira e bista aki anualmente, cual pa e oficial aki, ta sumamente ofensivo.
Tin un peticion andando, cual ta demanda pa nan retira e estatua, ya cu e personanan patras di e peticion aki, ta haya cu e estatua aki ta inapropia, ya cu e ta encurasha e accion di saca potret bao di un hende muhe su paña, cual nan ta considera un extension di comportamento rapaz.
Finalmente, algun ta trece dilanti cu e posicion di e estatua ta bay contra di e regla y leynan di e ciudad, y tambe di e autopista, agregando cu no tin ningun evidencia cu e estatua aki berdaderamente lo haci un diferencia den e mehoracion di e economia local.
Localnan ta buscando tur manera y motibo pa ta contra e estatua aki, pero e realidad ta, cu e estatua aki ta un replica di e potret mas famoso cu tin den existencia di Marilyn Monroe, y ta sinta halto den su posicion di fama.
Comments are closed.