Durante fin di siman ultimo e coredo di karting Matthew Paesch a core den e Panamerican Rok Cup Challenge 2019 na Latacunga, Ecuador.
Mester bisa cu Matti a logra un tremendo resultado pa su ekipo SSMRP/Team Paesch como tambe pa Aruba. E coredo di karting Matti Paesch di SSMRP a logra conkista di e sub-campeon na Ecuador.
Notabel ta cu Matti a lidera henter e careda pa sigur un 90%, pero a perde esaki na ultimo momento. El a competi contra e miho nan di mundo den e deporte di karting. No obstante di e resultado final Matti sigur por ta orguyoso cu un di dos luga. Esaki ta segun e fuente 297 Sports.
