(NLTimes) – Un mayoria den Tweede Kamer ta anticipa di sostene un proposicion cu ta caba cu e asignacion automatico di e tata su fam na un baby ora cu mayornan no por bay di acuerdo pa un fam, NOS a reporta.
E regla actual ta bini for di e practica tradicional di baby cu ta nace dentro di matrimonio, tumando e tata su fam.
Legisladornan Songul Mutluer di GroenLinks-PVdA y Jan Patternotte Sneller di D66 a propone descarta e asina yama “fallback rule” bao cual un mucha ta ricibi solamente e tata su fam si mayornan no yega un acuerdo. E mocion ta anticipa di ricibi sosten di VVd, CDa y JA21, cual ta dun’e un mayoria.
Bao e proposicion, e asignacion automatico lo ta reemplasa lo mas lihe posible cu un sistema cu ta trata ambos mayor di manera igual, por ehempel, pa medio di duna un mucha ambos mayor su fam den orden alfabetico.
“E ‘fallback rule’ actual no ta alinea cu punto di bista contemporaneo di igualdad entre mayornan,” Mutluer y Sneller a bisa. Tambe nan a argumenta cu e sistema existente por tin un mal uso pa pone presion riba un pareha en casonan cu ta involucra control of abuso di partner intimo.
Desde 2024, ley Hulandes a permiti muchanan ricibi un fam combina pero solamente cu consentimento di ambos mayor. Mutluer y Sneller a bisa cu e rekisito aki por crea un obstaculo ora cu mayornan separa ta den desacuerdo, pues tambe nan ta propone un mecanismo formal di resolucion pa disputanan.
Organisacion di derechonan pa hende muher Bureau Clara Wichmann a yama bon bini na e esfuersonan pa cambia ley, bisando cu mamanan ta sigui cu un desbentaha bao e sistema actual. E organisacion a bisa cu algun tata ta usa nan consentimento pa agrega un di dos fam como herment pa pone presion riba ex-parehanan durante disputanan despues di separacion.
