Ganado di Oscar, Matthew McConaughey no tabata kier a skirbi un buki di celebridad ordinario.
“Esaki no ta un memoir traidcional, ni un buki di conseho, sino un ‘playbook’ basa riba aventuranan den mi bida”, McConaughey, di 50 aña di edad, a bisa den un declaracion tocante ‘Greenlights’, cual ta disponibel dia 20 di october. “Aventuranan cu tabata significante, iluminante y dibertido, tin biaha pasobra intencion tabata pa nan ta dibertido, pero mas tanto pasobra nan no a purba di ta.”
Segun Crown, cual a anuncia e buki ayera, e actor conoci pa peliculanan ‘Dallas Buyers Club’ y ‘Magic Mike’ a saca inspiracion di un diario cu el a tene pa 35 aña.
“El a haya no solamente storia, pregunta, berdad y afirmacionnan, pero tambe un tema confiabel”, Crown a anuncia. “Di crece como un mucha aventurero den un cas na Texas di esnan kibrando reglanan, na biahenan revelador na Australia, Peru y Mali, na su dianan inicial na Hollywood y su ascenso meteorico na fama, McConaughey ta comparti con experiencianan di su bida a pone den dje e importancia di balornan competente, e poder di experiencianan nobo, y manera el a bisa, ‘sea ta cambia bo realidad of cambia con bo ta mir’e’.
