MEP: “Famia stabiel, Aruba stabiel”

Darlaine Guedez Erasmus MEP

Despues di un parada forma den Paradera te yega Piedra Plat Entertainment Center diabierna 19 di mei ultimo, Partido MEP a lansa dos dama cu a dicidi di subi riba lista di nos prestigioso Partido Movimiento Electoral di Pueblo. Esaki a sosode den forma di un rueda di prensa na unda cu e candidata nobo, Darlaine Guedez Erasmus a introduci su mes dilanti un publico basta anima y grandi. Darlaine a nace dia 26 november 1986 y a crece den Paradera hunto cu su ruman homber, Darall, den un hogar unda el a wordo lanta cu hopi norma y balor door di su mama Betty y su tata Pablo.

E ta casa cu Enrique Guedez y hunto nan tin 2 yiu Betsaida y Isaac. Educacion y trabou: Despues di caba Colegio Arubano, Darlaine a bay studia Social Pedagogische Hulpverlening na Hulanda. Actualmente e tin 5 aña di experencia trahando den un fundacion na unda e ta deal cu hopi problema di famia y hobennan den adiccion. E ta considera su trabou no solamente su trabou sino su pasion. Meta den politica: Darlaine tin e deseo profundo di ta un sosten y ayudo pa e pueblo di Aruba completo. E focus di Darlaine ta bay ta primordialmente den famia y hubentud cu tin mester hopi amor, cariño, guia y speransa pa tur cos bay bon cu nan.

Como trahado social, diariamente e ta pasa den situacionnan hopi alarmante door di problemanan den cas y e famia. Esaki ta loke a motiva Darlaine pa tuma e decision pa drenta politica y postula riba lista di Movimiento Electoral di Pueblo pa di e manera aki yuda na e miho forma cu e por. Darlaine ta cla pa e reto nobo aki den subida como politico hoben riba lista di MEP. Darlaine tin e siguridad cu tin speransa pa e parti social.

E tin speransa den mehoracion di e parti di matrimonio y ta kere den matrimonio feliz. Y e tin speransa den un hubentud motiva pa sigui dilanti. Darlaine ta di creencia tambe mescos cu Partido MEP, cu hunto nos por hiba Aruba dilanti. Y ta basa su lema di campaña riba e pensamento aki: Famia stabiel, Aruba stabiel. Pa mas informacion tocante e candidata aki, sigui nos riba nos pagina di facebook. Darlaine Erasmus y MEP official. Partido MEP ta yama Darlaine bon bini den nos Partido prestigioso y ta desee tur exito den e campaña electoral aki. Hunto nos ta bay pa e cambio sin miedo

You May Also Like

Deporte mester keda accesibel pa tur hende

  Un di e preocupacion grandi cu mi ta haya canando den pueblo ta ...

‘Mester traha riba leynan pa proteha tesoronan arkeologico’

Museo Arkeologico Nacional Aruba a organisa un actividad y hopi hende a participa, tabatin ...

‘Maestronan merece e berdad’

E berdadero motibo pa cambia di Directie Onderwijs (DO) pa Stichting Openbaar Onderwijs (SOO) ...

Camara di Comercio lo organisa dos debate electoral pa pueblo ta mas consciente

Den cuadro di eleccion di luna di september venidero, Camara di Comercio y Industria ...

‘Hopi biaha e minister anterior ta otorga cosnan cu no ta haya den ley’

Durante e conferencia di prensa pa anuncia cambio den maneho na DIMAS, Minister di ...

‘Aruba ta tumando e stapnan pa innova comercialmente y fomenta desaroyo’

Diahuebs mainta, e titular di Asuntonan Economicoy Comunicacion tabata invitado special den salon di ...