Staf di prison a faya pa sigui protocol pa Jeffrey Epstein su morto. E mester tabata bou observacion di guardia cada 30 minuut, pero esey no a sosode, loke a habri caminda pa su suicidio, asina un Polis a bisa New York Times.

Times a papia cu e Polis den anonimato, pero Associated Press no a confirma e informacion. E informacion tambe ta bisa cu Epstein tabata su so. E misterio di con el a logra mata su mes ta bin cu hunto cu caso cu ta acusa Epstein di abuso sexual y conspiracion.

Su morto ta pone fin na e investigacion penal cu por a sirbi pa conecta trahado interno di finanza cu celebridad y Presidente, aunke Fiscal a priminti di sigui cu e investigacion. Procurador General William Barr ta pidi investigacion di parti di FBI y Inspector General di Departamento di Husticia riba e morto di Epstein.

Esptein, di 66 aña di edad, a ser nenga libretad bou fiansa y tabata enfrenta 45 aña na prison pa cargo federal di trafico sexual y conspiracion. E tabata declara su mes inocente y tabata warda pa huicio.

Investigacion federal a bisa cu acusacion ta sigui, segun fiscal Geoffrey Berman. Tambe cu cargo di conspiracion ta sugeri cu otro por enfrenta e cargo. Virginia Giuffre, un acusante di Epstein, a presenta mas di 2.000 pagina di documento relaciona cu demanda di Esptein.

Giuffre, den un entrevista cu New York Times, a bisa cu e ta contento cu Epstein no lo haci daño na ningun hende mas, pero ta rabia cu no lo wake carga castigo pa su conducta.

Sigrid McCawley, abogado di Giuffre, a bisa cu despues cu documento a ser saca, Epstein ta suicida den menos di 24 ora ‘no ta coincidencia’. McCawley ta urgi autoridad pa sigui cu investigacion enfocando riba trahado di Epstein cu a participa y facilita den negoshi di trafico sexual.

Epstein su aresto a duna atencion nacional, particularmente enfocando na e deal di solicita menor di edad pa prostitucion na Florida.

 

LEAVE A REPLY

Please enter your comment!
Please enter your name here