Un Hues di Merca na California a reestablece dialuna un paro na nivel nacional di e plan di administracion di Trump pa evita cu mayoria di migrante busca asilo na e frontera entre Merca y Mexico.

Hues di districto di Merca, Jon Tigar, a duna veredicto na Oakland cu un medida blokiando e politica di e administracion for di drenta den vigor lo ta aplicabel a nivel nacional. Tigar a blokia e politica na juli, despues di un demanda di gruponan cu ta yuda peticionario di asilo. Pero e Corte di Apelacion di Nobeno Districto a limita e impacto di e medida di Tigar na estadonan dentro di e area maneha pa e corte di apelacion.

Esey ta nifica cu e politica ta blokia pa frontera di California y Arizona, pero no na New Mexico of Texas.

Den su fayo, Tigar a enfatisa e necesidad di mantene un politica di inmigracion uniforme y a descubri cu organisacion manera ‘Al Otro Lado’ no sa unda solicitante di asilo lo yega ni unda lo presenta nan caso pa keda na e pais.

E tribunal a reconoce cu ta existi un peliger pa solicitante di asilo na henter area di frontera sur, a bisa Lee Gelernt, kende ta abogado di Union di Merca di Libertad Civil, den un comunicado. A laga un mensahe pa busca comentario cu e Departamento di Husticia.

E regla nobo di administracion di Trump lo aplica na migrante cu ta pasa pa otro pais prome cu yega Merca. E politica ta señala miles di Centroamericano cu ta crusa Mexico cada luna pa purba drenta Merca y tambe lo afecta solicitante di asilo di Africa, Asia y Sur America cu ta yega regularmente na e frontera sur.

 

LEAVE A REPLY

Please enter your comment!
Please enter your name here