Un homber di 33 aña di edad, yena cu rabia a horta, hinca y corta den varios luga na California, segun informe di autoridad. El a mata 4 persona y herida dos mas. Polis a bisa cu e tin historia di crimen violento y el a yega di bay prizon.

Na ciudad di Garden Grove, e homber a horta den varios negoshi y mata dos hende homber na edificio di su apartamento durante un confrontacion violento. Un di e victima a muri paden di un apartamento, e otro victima ambulance a hay’e na su balcon y a muri na hospital.

E acto di violencia no ta parce tin motibo, solamente di horta, rabia y homicidio. “Nos sa cu e homber aki tabata yena cu rabia y por a haci hopi daña na persona”, Carl Whitney, agente policial a bisa.

E homber hunto cu tur e victima ta Latino. E dos sobreviviente ta den un condicion stabiel y recuperando. Whitney a bisa cu e homber tambe a horta un panaderia. E doño, un hende muhe, a bisa cu el a drenta horta, sinembargo e homber a pensa cu e ta un cliente y no a haci ningun daño na e doño.

Tambe el a horta un compania di seguro, unda cu un trahado di 54 aña di edad a ser hinca varios biaha. E trahado, kende ta femenino, a confronta e agresor pero a keda cu varios herida y tira na vloer.

Pa ora di atardi, e agresor a acerca un stacion di gasolin y ataca un hende homber ‘sin ningun rason’ segun Whitney pero no a horta. El a hinca e homber na su lomba y a afecta su nanishi y bay. Persona rond di luga a yuda e homber cu a ser ataca.

Detective undercover a logra haya e auto di atacante den un parkeo. Polis a aresta e homber ora el a sali for di un tienda na Santa Ana. Polis a ordena e homber pa laga los di su arma. Tambe a haya sa cu e agresor a hinca otro trahado na Subway.

E atake aki ta pasa dia despues di tiramento na Texas y Ohio cu a laga 31 persona morto y un nacion den shock.

 

LEAVE A REPLY

Please enter your comment!
Please enter your name here