Merca ta aproba extradicion di ex-presidente Martinelli

Departamento di Estado di Estadonan Uni a aproba extradicion pa Panama di e ex-presidente Ricardo Martinelli, cu tabata deteni den un prison federal Mericano desde 12 di juni 2017, segun declaracion di di Sydney Sitton, su abogado na Panama.

Un rato prome, Departamento di Estado a manda un carta pa e abogadonan den cual tabata rechasa e argumentonan presenta pa Martinelli pa evita su extradicion, principalmente loke ta relaciona cu e supuesto riesgo cu e ex-presidente lo a core di sufri tortura si mand’e di regreso pa Panama, otro hurista di e ekipo di Martinelli na Miami, Nathalie Santos, lo a declara, segun agencia AFP.

“E aviso di entrega ya tabata firma pa Departamento di Estado (…) nan a keda di manda mi e carta den tro di algun minuut (…) y unabes nan entrega nos e aviso ey nan ta procede inmediatamente caba cu traslado,” Sitton a sigura na television Panameño.

Ex-presidente Martinelli, di 66 aña di edad, ta ser busca pa Corte Supremo di Husticia (CSJ)  di su pais pa un caso di tap ilegal na mas di 100 opositor di su gobierno,  di 2009 te 2014.

 

You May Also Like

Refeneria ISLA di Curacao ta na candela

E refeneria di Curacao mihor conoci como ISLA a lanta awe mainta cu un ...

Venezuela den teritorio di hiperinflacion pa prome biaha

Venezuela a registra e luna di october aki un inflacion di 50,6 %, comara ...

Un sacerdote a ser denuncia na Chile pa abusa di 14 mucha

Congregacion di ‘Hermanos Maristas’ di Chile a presenta un denuncia na fiscalia, contra un ...

Condena mundial pa golpi di estado di Nicolas Maduro na Venezuela

Diferente gobierno di region a mustra nan preocupacion pa e situacion na Venezuela, cu ...

Venezolano ta sobrevivi cu benta di biyete di 100 bolivar riba bus na Colombia

Tres amigo Venezolano cu a bandona Caracas siete luna pasa pa motibo di inseguridad, ...