Canciyer Mexicano, Marcelo Ebrard, a informa cu 30 di october pasa a ricibi e prome dosis di vacuna contra Covid-19, di laboratorio Chines-Canades Cansino, pa realisa e pruebanan di fase 3 na Mexico.

“Den e rapport di e siman aki nos tin bon noticianan… dia 30 di october a ricibi e prome dosis pa realisa na Mexico e fase 3, di ensayonan clinico di e vacuna candidato di Cansino Biologics na Mexico”, Ebrard a bisa.

Secretario di Relacionnan Exterior a splica cu despues cu Comision Federal pa Proteccion contra Risiconan Sanitario (Cofepris) y Secretaria di Salud a evalua e vacuna, a aproba cu un grupo di 10.000 pa 15.000 Mexicano lo participa den ensayonan clinico.

“Despues di un riguroso proceso di evaluacion di e cual Cofepris y Secretaria di Salud tabata lider, a wordo aproba cu den estudionan lo realisa pa un grupo entre 10.000 pa 15.000 Mexicano, mayor di 18 aña”, el a informa.

Tambe a señala cu na China, Argentina, Pakistan, Arabia Saudi y Rusia tambe estudionan ta tumando luga y cu tambe entre 10.000 pa 15.000 Mexicano boluntario na 20 centro di salud di 12 estado di e pais.

“Ya caba a wordo administra exitosamente pa miembronan di Forsa Arma di China”, e canciyer a bisa.

Sub-secretaria pa Asuntonan Multilateral y Derechonan Humano, Martha Delgado a splica cu e estudio di e vacuna di CanSino Bio ta e prome estudio fase 3 cu ta wordo realisa na Mexico, y cu lo tuma luga na 13 estado di e republica y lo cuminsa e siman aki. Lo cumpra 35 miyon dosis di esaki.

Di su banda, presidente di Mexico, Andrés Manuel López Obrador, a sigura cu ta algo “hopi significativo, cu lo cuminsa e pruebanan aki, pasobra e vacuna contra Covid-19 lo trece calma pa e pais”.