Mexico : E peligernan cu e bayenanan den lama Mexicano ta enfrenta

Di e 14 especie di bayenanan cu ta existi na mundo, ocho por wordo mira na Mexico, pero su situacion na e pais tin riesgo debi na e problemanan ocasiona pa ecoturismo cu mal regulacion.

Luis Medrano González, investigado di Facultad di Ciencia (FC) di e Universidad Nacional Autonomo di Mexico (UNAM), a alerta di mal maneho di e turismo ‘ecologico’.

Infeccion pa via di fungus, boto cu ta acerca hopi y nan ta termina dal e bayenanan, como tambe e contaminacion y zonido di e botonan, ta algun di e peliger cu e bestianan aki ta enfrenta.

Cada aña, nan ta migra pa e costa di e pacifico Mexicano y isla di Revillagigedo 20 mil bayena shinishi y seis mil joroba. Den awanan calido aki nan ta haya e ambiente ideal pa reproduci y cuida su crianan den su prome siman.

Segun e investigado, Mexico na aña 70 tabata ehempel di proteccion di bayenanan, a declara zona di refugio, pero awo e situacion ta hopi distinto pa via di e ecoturismo cu poco regulacion, mal practica di observacion y turismo den general, cu ta ofrece bishitanan pa e sitio cu añanan prome tabata santuario.

E investigado a reconoce cu e turismo ta importante den e economia Mexicano, pero na e caso di observacion di e bayenanan , e practica ta responde mas pa e afan di lucro di personanan y empresa, cu pa e conservacion di e especie.

“Tin importante esfuerso pa resolve e situacion aki, pero en general, e practica malo ta sigui asina tambe otro factornan, deriva di e turismo tambe, como e zonido di hopi boto y cu nan ta dal pa e bestianan aki”, el a señala.

 

You May Also Like

Horcan Irma ta tuma 3 bida, cual di 1 baby

  Oficialnan di Francia y di Antigua y Barbuda ta bisa cu horcan Irma ...

Rio de Janeiro tin shete morto violento pa dia

Rio de Janeiro – Desde 2002 te awe, shete persona, como promedio, ta muri ...

Jair Bolsonaro: “esaki ta e comienso di liberacion di Brasil di socialismo”

Jair Bolsonaro a asumi poder na Brasil, su proclamacion como presidente di e nacion ...

Protesta na diferente parti di Venezuela pa falta di cuminda y pago di aguinaldo

Residentenan di e sector Los Cocoteros di Maiquetia, estado Vargas, a sali riba caya ...

Tin alternativa pa mantene refineria Isla habri

WILLEMSTAD – Fraccion di Movementu Futuro Kòrsou (MFK) sa di por lo menos un ...

Gobierno Mexicano a pidi pa detene e ehecucion di un Mexicano condena na Texas

Gobierno Mexicano y experto di Alto Comisionado di Derecho Humano di Nacionnan Uni a ...