(AP) — Microsoft ta bisa cu ta bay revisa su politicanan regardando acoso sexual y discriminacion di genero, y publicamente revela e resultadonan di investigacionnan riba acusacionnan involucrando miembronan di hunta di directiva y liderazgo senior, incluyendo Bill Gates.

The Seattle Times ta reporta cu e hunta a anuncia ayera cu Microsoft ta bay contrata un bufete legal tercero pa ehecuta un revision cu lo evalua practicanan di e compania, examina e politicanan aki contra e ‘best practices’ adopta pa otro companianan, y mira e stapnan cu Microsoft a tuma pa tene empleadonan y ehecutivonan responsable.

E revision ta bay culmina den un reporte publico – spera pa spring – cu ta bay inclui datonan riba e cantidad di casonan di acoso sexual investiga como tambe nan resolucionnan.

“Nos ta comprometi na no solamente revisa e reporte sino tambe siña di e evaluacion pa asina nos por continua mehorando e experiencianan di nos empleadonan”, presidente y CEO, Satya Nadella a bisa den un declaracion.

E reporte ta yega despues di un resolucion di accionista cu a pasa na 2021. E resolucion a busca un reporte riba efectividad di e politicanan di acoso sexual na trabao di e compania den bista di acusacionnan di acoso sexual, incluyendo acusacion cu Gates a busca di tin relacionnan inapropia cu empleadonan.

LEAVE A REPLY

Please enter your comment!
Please enter your name here