Diamars mainta, Minister di Turismo, Salubridad Publico y Deporte Sr. Dangui Oduber a anuncia cu entrante di januari 2020 e pensioen di biehes lo subi.
Fondonan di pensioen ta wordo paga na e pensionadonan door di banco di seguro social (SVb) cu ta resorta bou di ministerio di Salubridad Publico. Recientemente Gabinete Wever-Croes ta anunciando varios noticia positivo, manera e legalisacion di cannabis medicinal y tambe reduccion di 10 porciento di e tarifa di coriente. Esaki ta un otro noticia positivo pa comunidad y specialmente pa e pensionadonan, segun un comunicado di gobierno.
Conseho di Minister, riba proposicion di Minister di Turismo, Salud Publico y Turismo, a dicidi di aumenta pensioen di biehes di e siguiente forma entrante 1 di januari 2020:
– Pensioen pa soltero ta aumenta di 1.132 pa 1.157 florin
– Pensioen pa pareha ta aumenta di 1.906 pa 1.948 florin
– Pensioen dividi pa pareha ta aumenta di 953 pa 974 florin.
E pensioen pa huerfano y viudo ta keda adapta cu e mesun porcentahe.
Aña 2019 tambe Oduber a aproba e aumento aki. Den 2 aña di gobernacion a aproba un aumento di 84 florin pa parehanan casa y 50 florin pa soltero.
Oduber kier a gradici Edwin Jacobs tambe di SVb pa haci e ehercicio necesario pa cumpli cu un aumento pa nos pensionadonan.
Comments are closed.