Recientemente e aerolinea di Southwest a anuncia cambio den nan ruta cu nan ta ofrece pa Aruba entrante otro aña, asina Minister di Turismo Sr. Dangui Oduber ta duna di conoce.
Southwest no ta un aerolinea desconoci aki na Aruba, ya nan tin varios aña caba bulando pa Aruba. Nan ta conoci pa ta un aerolinea hopi agradabel, amigabel pa bula cun’e y cu bon servicio.
Ta asina cu actualmente Southwest Airlines tin vuelonan diariamente pa Baltimore pero entrante 5 di juni di aña 2022 esaki lo cambia, nan lo cuminsa cu vuelonan diario pero for di Orlando.
Segun e aerolinea esaki lo mehora nan conexionnan den e mercadonan west y noord-oost di Merca.
Minister a señala cu pa nos localnan esaki lo ta hopi bon mirando cu lo tin mas vuelonan directo pa bay vakantie na e cuidad conoci pa e parkenan di atraccion manera por ehempel Disney World.
Por anticipa caba cuanto ta e famianan cu lo haci uzo di e vuelo aki pa bay Orlando e proximo vakantie escolar cu nan yiunan.
