Minister di Turismo Dangui Oduber a anuncia cu e borchinan di caminda di cruz di kapel di Alto Vista a keda finalisa cu un diseño nobo.
“E caminda di Cruz di kapel di Alto Vista ta un parti di nos cultura hopi sagrado y alabes ta wordo hopi bishita hopi pa nos bishitantenan. E ta un caminda unda hopi hende ta bin haci oracion, meditacion y hopi devotonan catolico ta haci uzo di dje. P’esey como Minister di Turismo a tuma e decision pa renoba e area di e kapel di Alto Vista y asina eleva e producto turistico pa duna nos turistanan e miho experencia posibel” e mandatario ta expresa.
E proyecto aki a wordo financia cu fondonan di ministerio di turismo. E proyecto di kapel di Alto Vista a wordo haci cu consciencia y bou guia di parokia di Noord y hunto cu esunnan cu ta atende cu e kapel.
Den e potretnan por mira claramente e diferencia di con e tabata prome cu e renobacion y con e ta awor cu el a keda cla.
E kapel di Alto Vista ta un sitio hopi bishita y ta sagrado, semper por conta cu sosten di Ministerio di Turismo pa mantene esaki na un nivel agradabel.
Un contribucion chikito pa tur locual e kapel ta significa pa nos tur na Aruba.
