Recientemente un total di 270 profesional di e sector, a participa na 19 sesion di entrenamento riba e reglanan di e protocol aplicabel pa barberianan y salonnan di beyesa.

Na momento cu ta suavisa medidanan ta importante pa tur sector ta consciente di e normal nobo y tene cuenta mas cu nunca riba bon higiena y prevencion. Ministerio di salud a prepara protocolnan pa tur sector. Durante 3 dia, SVb su team ‘Regreso na Trabao den Normal Nobo’, bao guia di dr. Myron Genser.

E sector a mustra un compromiso grandi pa cumpli cu e protocol y percura pa minimalisa e riesgonan di contagio den e sector aki.

SVb a scoge specificamente e sector aki pasobra ta calcula cu mas di 95% di nos poblacion ta yega un momento of otro na e negoshinan aki pa ricibi un servicio di cuido estetico. P’esey ta importante pa e sector ta consciente di e reglanan y contribui na minimalisa riesgo. A haci un apelacion fuerte na e profesionalnan aki pa ta un bon embahador den e normal nobo. Pabien na e sector kende a demostra un etica profesional haltisimo.

Minister Oduber kier a gradici e team di SVb pa tene e tremendo dianan di informacion. Comunidad por ta trankil cu e sector di salon di beyesa ta bon prepara.

LEAVE A REPLY

Please enter your comment!
Please enter your name here