Minister di Educacion, Ciencia, Cultura y Sport (OWCS) nobo di Corsou a keda anuncia. Steven Croes a huramenta dialuna cu Gobernador Lucille George-Wout. Croes lo tuma over e tareanan di e minister di Educacion interino, Eugene Rhuggenaath.
Prome minister Rhuggenaath tambe tabata minister di Educacion desde cu Marilyn Alcala-Walle a renuncia. El a renuncia despues cu a acus’e di conflicto di interes.
Croes a pasa e screening bon y lo tin e posicion di minister di Educacion te cu eleccion na maart 2021. Si e lo participa den eleccion ey, no ta conoci. Te cu recientemente, Steven Croes tabata traha pa proveedor di servicio financiero Citgo, e ex-dunado di trabao di Rhuggenaath.
