E Observatorio de Conflictividad Laboral y Gestión Sindical di e Instituto de Altos Estudios Sindicales (Inaesin) a conta 301 conflicto laboral na e pais durante luna di october 2020, haciendo esaki un di e lunanan cu mayor cantidad di reclamo den e aña aki te awo.

E mayor porcentahe di conflicto tabata relaciona cu e sector educacion (72%) y pa motibonan salarial (93%). Mientras cu e segundo causa ta e reclamo pa miho condicionnan laboral (90%).

E estadonan unda a presenta mas conflicto tabata Anzoategui (11%), Lara (10%) y Distrito Capital (8%). Trahadonan di sector publico a realisa mayoria di e reclamonan (96%). E presencia di sindicatonan den e conflictonan tabata di 28%.

E total di conflicto desde maart – inicio di e cuarentena pa presencia di e pandemia di Covid-19 – a eleva na 947 y na 1,176 den transcurso di aña. A diferencia di otro lunanan di shelter in place den cual e conflictonan tabata caracterisa mas pa denuncia, na october – luna cu ta celebra Dia Mundial di Docente – e subi caya, e marchanan y e concentracionnan tabata protagonista. Den total, e trahadonan tabatin presencia riba caya den 89% di e casonan registra, loke ta pone den evidencia cu a perde miedo di un posibel contagio di coronavirus.

Regimen di Nicolas Maduro a responde cu violencia y represion na e reclamo laboral pa recursonan, miho condicionnan y salario digno, buscando pa desvia atencion di e berdadero problemanan.

Den 27 di e 301 conflicto tabatin consecuencia. Intervencion di polis (17 caso), intimidacion di esnan motorisa contra e trahadonan (5 caso), proceso penal (3 caso), herido (1 caso) y retiro (1 caso).

LEAVE A REPLY

Please enter your comment!
Please enter your name here