Minister di Husticia Andin Bikker ta repasa 2018 y pone bista riba prioridadnan pa 2019

Durante un conferencia di prensa cu a wordo hiba ayera e Minister di Husticia mr Andin Bikker a duna di conoce e dos decreto cu tin di haber cu orarionan y dia di benta di klapchi cu a cuminsa desde ayera 27 te dia 31 di december pa 10or di anochi dirigi pa esunnan cu tin permiso.

E otro decreto ta trata di e dianan cu ta stipula pa e hende por haci tiramento di klapchi den luganan publico a cuminsa desde e dia di ayera 27 di december te e dia 2 di januari te 6or di atardi. Minister a expresa cu no ta permiti e uzo di klapchi na cercania di hospital, den luganan cu tin servicionan di misa y tampoco cerca di stacion di gasolin.

Minister tambe a conseha pa e poblacion e supervision di e criaturanan ora nan ta tira klapchi y e personanan adulto tambe pa motibo cu e klapchi ta un cos hopi peligroso y asina lo por evita un incidente.

Leynan pa auto automatisa cu no mester di chauffeur

Minister Andin Bikker a anuncia den e presupuesto di aña 2018 cu nan lo kier bin cu e leynan pa regula e autonan cu ta core riba nan mes, el a papia di e ley cu 18 di october a caba di pasa cu ta reglamenta esey, pa motibo cu na Aruba ta existi autonan cu ta yama Tesla, e auto tin e habilidad te cierto grado cu nan lo por stuur nan mes, minister Bikker a puntra di kico lo por pasa ora e auto cu ta importa lo por causa un accident chikito y ken lo ta para responsabel.

Den otro topico, Minister di Husticia a duna di conoce e cifranan cu nan a logra reduci na materia di atraco, na aña 2016 tabatin 64 atraco, na aña 2017 te 2018 minister Bikker a bisa cu nan a logra reduci e cifra ey te e mita. El a papia di cu nan a introduci un concepto nobo di Polis di Bario, el a bisa tambe cu nan a mehora e vigilancia di e fronteranan.

Minister Bikker a bisa cu den e plannan cu nan tin pa aña 2019 pa luna di januari y februari, el a splica cu e Cuerpo Policial lo bay keda cla cu e proceso pa nan lo por haya e radar y helicopter. Tambe Minister a bisa cu e Cuerpo Policial lo bay haya un gran cantidad di uniforme nobo.

Un di e metanan hopi crucial cu Minister Bikker a expresa ta e construccion di un prizon nobo pa nan lo por reduci e criminalidad, pa motibo cu nan a ripara cu hopi persona cu ta faya cu e leynan despues di dos of tres aña nan ta reintegra den comunidad atrobe, pero hopi di nan lamentablemente den menos di dos luna nan ta bolbe pa KIA.

Pa e motibo ey Minister Bikker a bisa cu ta importante pa haya un prizon nobo y den luna di januari e prome dos siman el a bisa cu nan lo bay cuminsa cu e proceso di ‘request for information’.

El a comenta cu nan lo bay pidi pa e parlamento pa lo por trata e ley pa lo por aumenta e cantidad di Notarionan cu desde aña 1986 no tin un base legal, Minister Bikker a splica cu el a introduci un nota di cambio y na luna di januari den cooperacion cu e parlamento nan lo bay trata e ley ey.

Minister Andin a duna di conoce cu prome cu 14 di februari nan lo bay trata e Codigo Civil cu ta trata di corporacionnan cu tin hopi aña caba manera minister a bisa desde aña 1995 y na e tempo ey tabatin un comision cu ta traha riba un Boek Twee cu Corsou y St. Maarten tin basta aña cu su implementacion y na proximo aña Aruba lo bay tin proximamente.

Ademas el a bisa cu na fin di januari lo bay tin un encuentro di cuater minister di husticia di e reino, den e cual Aruba lo bay ta anfitrion di e reunion ey y durante esey nan lo bay pone innovacion riba di agenda di J.V.O.

Innovacion

Minister Andin Bikker a papia cu innovacion den cuadro di husticia ta e procesonan  cu lo por traha cu tecnologia pa agilisa e procesonan den e caso di husticia of tambe administra e husticia di manera mas efectivo pa por duna accesibilidad pa e ciudadanonan di loke ta trata e servicionan di gobierno.

El a splica cu el a pone e tema di innovacion riba e agenda di J.V.O pa motibo cu Hulanda ta inverti hopi placa den esaki, por ehempel den e presupuesto di 2019 e Minister di Husticia.

You May Also Like

DOW: Lo tuma 4 ora maximo pa inundacion di caya seca bek

Durante un conferencia di prensa Departamento DOW a informa cu proyectonan Green Corridor y ...

turista,

Turista ta bira malo y fayece riba wave runner

Diaranson merdia den careda di 2’or tanto strand politie y dos a ambulance  a ...

No ta husto cu e pasahero mester bay sufri pa via di impuesto nobo

Chauffeur di Autobus Ronald Sint Jago: Entrante juli crisisheffing 2.5% riba BBO y BAZV ...

Tur fraccion a compromete pa hisa nivel di parlamento

Ayera tardi durante un reunion publico presidi pa prome biaha pa e vice presidente ...

Urgencia pa Aruba bira mas accesibel pa personanan cu limitacion

Nos isla no ta tene suficiente cuenta cu personanan cu limitacion como consecuencia cu ...

image.jpeg

Alto Comisario a controla pickup cu 7 stranhero aden y 1 ilegal

  Diaranson atardi Comisario di Polis coriendo den area di Cas Paloma a tuma ...