Minister di Turismo a biaha menos, esun di sector primario a biaha mas

ORANJESTAD – Ex minister y parlamentario di oposicion, Benny Sevinger a bin cu informacion pa prensa riba e cantidad di biahe y dia di vakantie cu e miembronan di gabinete Wever-Croes a realisa durante 2018.

Un total di 605 dia e ministernan di e gobierno actual tabata pafo di Aruba durante 2018. E ta haya cu esaki ta un promedio di dos periodo di vakantie den un aña. Pero mas cu 3 miyon florin a wordo gasta den e biahenan aki, segun sr. Sevinger.

El a bisa cu e informacion aki ta pasa na informacion raporta na parlamento, pero eventualmente e cantidad di biahe y dianan di vakantie por ta mas. Ademas, el a indica cu e cifranan di biahe y vakantie ta mas compara cu e gobierno anterior, caminda sr. Sevinger a forma parti di dje. El a bisa cu a pesar cu e gobierno aki a yega di bisa cu nan ta bay baha e gasto di gobierno destina na biahamento, esaki no a baha, sino cu el a subi. El a trece e supuesto lista di biahe di minister di Turismo, Dangui Oduber kende den un aña tabatin 30 dia cu vakantie. Tambe e tabatin 11 dia relaciona cu dianan di fiesta y tambe fin di siman, cu ta 104 dia. Kiermen di e 365 dianan di un aña, a keda 220 dia pa e minister aki por traha.

Sinembargo, e ta haya cu considerando cu sr. Oduber ta minister di turismo, cu ta e mandatario cu supuestamente mester biaha mas pa trece turismo, a biaha 28 dia so e aña aki. Di cual 192 dia e mandatario aki tabata na Aruba pa traha. Segun sr. Sevinger, esaki ta un argumento pakico turismo a cay, debi cu e minister encarga cu e cartera aki no ta haci su trabou afo.

Mientras cu minister di Transporte y sector primario, Chris Romero a biaha 19 biaha e aña aki, casi dos biaha pa luna. Di cual 130 dia sr. Romero tabata pafo di Aruba durante 2018. El a indica cu practicamente sr. Romero no ta biba na Aruba.

“Bo por bisa mi kico minister di agricultura ta haci 129 dia pafo di Aruba?,” sr. Sevinger a puntra su mes. El a bisa cu minister Glenbert Croes, kende tabatin 126 dia tabata pafo di Aruba durante 2018; y su colega Chris Romero, ta esunnan cu a biaha mas den e aña aki. Di un forma sarcastico, sr. Sevinger a bisa cu e ta kere cu sr. Romero mester ta e minister di Turismo; ya cu mientras cu e titular di turismo, Dangui Oduber a biaha 28 dia, minister Romero a biaha 129 dia.

You May Also Like

Den e caso cu Aruba wordo declara bancarota, cerca kende pueblo tin cu bay pa cobra?

Mientras cu miyones ta wordo gasta na fiesta, show y cumpramento di voto, pa ...

‘Prome Minister a bisa lo elimina hedging y haci otro’

Un gobierno cu a sembra locura y engaño, lo cosecha locura y engaño sin ...

‘Hopi biaha e minister anterior ta otorga cosnan cu no ta haya den ley’

Durante e conferencia di prensa pa anuncia cambio den maneho na DIMAS, Minister di ...

green corridor brug.jpg

‘Benny Sevinger a deal cu Green Corridor manera su propio expresion’

Diamars siman pasa den un reunion publico den parlamento di Aruba minister di Infrastructura ...

MEP ya a priminti mas cu 1000 hende trabou y no ta sincero cu pueblo

Un lider politico cu no por ta sincero ni sikiera durante di campaña electoral ...

‘No por acepta reto di un Prome Minister cu no ta para pa loke e ta bisa’

Gobernacion ta continuacion caminda bou di ningun circunstancia, por tin argumento valido pa hustifica ...