Integracion pa Minister Glenbert Croes ta hopi importante, pasobra pa e mandatario Integracion ta mucho mas cu permisologia. Integracion ta yuda nos hendenan cu un trabao. Integracion ta yuda nos hendenan cu ta sin trabao pa hopi tempo, drenta back e mercado laboral mediante cursonan di capacitacion.

Segun e mandatario, tin demanda. Comercio mester di hende. Pa esaki pronto, manera anuncia anteriormente, lo introduci e Enseñansa pa Empleo ‘nobo’ cu lo asisti cu (re)capacitacion di nos hendenan cu cursonan di nivel y reconoci pa mercado laboral.

Permisologia

Minister Croes a expresa cu e ta comprometi na percura pa e procesonan na DIMAS y DPL di integracion y di maneho di admision di stranheronan, tuma luga na un forma mas eficiente, mas humano, mas corecto y mas transparente.

Tin pleno confiansa cu DPL y DIMAS hunto, trahando den bon cooperacion cu otro, lo logra ‘fuel’ e recuperacion economico di nos pais mas ainda, Minister Croes a expresa.

Anticipando esaki, a dicidi di elimina varios limitacion den proceso di permiso. E limitacionnan aki tabata necesario den e temporada di crisis causa pa e pandemia. Pero awor, tumando na cuenta e desaroyo economico, cu nos turismo ta floreciendo, e demanda y desaroyo riba mercado laboral, e mandatario a dicidi di trece cambio den e proceso pa cumpli cu e demanda di nos mercado laboral.

Tur instancia concerni a ricibi copia di e instruccion di maneho aki cu tin como meta pa agilisa e proceso di permisologia evitando tardansa innecesario, na mes momento dunando e servicio cu ta cuadra cu e mandatario su vision.

Infrastructura di DPL

Gobierno di Aruba ta invertiendo den e infrastructura di ICT di DPL pa digitalisa esaki completamente pa evita retrasonan y tardansainnecesario. Ya pa 2023 por mira fruto di e inversion aki.

Pa loke ta e servicio na DPL, e mandatario ta den constante deliberacion cu e Director di DPL pa eynan tambe percura pa agilisa e proceso y servicio. Ta discutiendo diferente cambionan cu pronto lo wordo anuncia, cu no solamente lo haci e servicio mas rapido pero na mes momento ta empodera e departamento pa por cumpli cu nan mision di yuda nos hendenan cu un trabao.

Tin pleno confiansa cu DPL y DIMAS hunto, trahando den bon cooperacion cu otro, lo logra ‘fuel’ e recuperacion economico di nos pais mas ainda, Minister Croes a expresa.

 

LEAVE A REPLY

Please enter your comment!
Please enter your name here