Entre otro pa motibo di e caida di e gabinete na Corsou, minister Hulandes Ronald Plasterk lo bishita solamente Aruba otro siman. Aki e lo topa tambe cu prome minister di Corsou, Koeiman y esun di St. Maarten, sr. Marlin.

Sr. Plasterk ta minister encarga cu Asuntonan di Reino. E lo yega dialuna 20 februari anto e dia despues lo topa cu e prome ministernan di e paisnan menciona. Diaranson 22 di februari e lo combersa cu nos gobernador y tambe prome minister Eman.

Tin un otro bishita for di Hulanda riba agenda tambe: staatssecretaris Sharon Dijksma, encarga cu Infrastructura y Medio Ambiente, lo bishita nos isla riba 19 y 20 februari. E lo tin encuentronan entre otro cu nos prome minister y gobernador.